هاني الدقاق يكشف سبب تسمية «مسار إجباري» بهذا الاسم

كشف المطرب هاني الدقاق نجم فرقة «مسار إجباري» ومؤسسها أن سبب تسمية الفرقة بهذا الاسم في برنامج «توليفة» الذي يقدمه الروائي والسيناريست «أحمد مراد» على نجوم إف إم، وقال :«سميت الفرقة كدة من فكرت إن انت دايمًا مرسوملك مسار إجباري إن انت بتدخل المدرسة وبتحاول أن انت تدخل أحسن كلية اللي هي يا طب يا هندسة يا غيرهم»
وأضاف: «طبعا مسار جميل وكل حاجة، بس مينفعش يبقى إجباري لإنه مش هينفع مع كل الناس ودي يمكن جيلنا حس بيها، شوية علشان كان في قوانين معينة أو نظرة معينة للمجتمع المفروض أن انت توصلها لو موصلتلهاش يبقى انت ممكن تبقى أقل من النظرة دي، وده طبعا غلط لأن كل واحد بيبدع في الحتة بتاعته وبيوصل فيها جدا حتى لو هي غير نظرة المجتمع».
وأوضح هاني الدقاق عن أسباب دخوله كلية فنون جميلة قسم العمارة :«بحب المزيكا جدا، وكل امالي أن انا كنت اوصل بالمزيكا دي إن انا اقدر اعيش بيها، بمعني إني أبقى فاضلها خالص ومش مشغول بشغل تاني، لأن انا اول ما ابتديت كان دايما عندي فكرة اللي هو أصل المزيكا دي موهبة جميلة لازم تبقى ساندها بحاجة وده سبب من الاسباب اللي دخلني كلية فنون جميله عمارة، ومن وانا صغير كنت بحب اوي اني ارسم عماره كبيرة يكون فيها كل العيلة بتاعتنا، واللي شجعني اكتر على الكلية اني كنت بروح مع بنت خالتي كليتها وهي كانت في فنون جميلة تصوير فأحببت جدًا الكلية والجو هناك».
يذكر أن فرقة مسار إجباري فريق غنائي مصري، تأسس الفريق عام 2004 ويقدم الموسيقى التي تمزج بين موسيقى الروك والجاز والبلوز مع التراث الغنائي المصري، ويضم الفريق كلا من أحمد حافظ وأيمن مسعود وهانى الدقاق ومحمد صيام وتامر عطاالله.
وقدم الفريق 4 ألبومات والعديد من الأغاني المنفردة، وفي عام 2014 حصل الفريق على جائزة (Middle East Music Award) كأفضل فريق غنائي.
كما شاركوا في إحياء ليالي مهرجان القلعة للموسيقى والغناء مؤخرا.
أعضاء الفريق
هاني الدقاق (جيتار وغناء) – أيمن مسعود (كيبورد)- محمود صيام (جيتار) – أحمد حافظ (باص) – تامر عطا الله (درامز)