«أسوأ يوم في عمري»..أحمد السعدني يحيي ذكرى رحيل طليقته

حالة من الحزن يعيشها الفنان أحمد السعدني في الذكرى الثالثة لرحيل طليقته وام اولاده الراحلة أمل سليمان، حيث نشر صورة لها على حسابه الشخصي على موقع التواصل الاجتماعي فيس بوك وعلق عليها وكتب: «3 سنين بحاول مفتكرش اليوم ده ولا اجيب سيرته لإن باختصار هو اسوأ يوم في عمري بس لو حد حيدعيلك دعوه حلوه بسببي يبقي كتر خيره، الله يرحمك يا انضف واطيب قلب».
كان الفنان أحمد السعدني، نشر من قبل تفاصيل آخر مكالمة قبل وفاة طليقته، التي لفظت أنفاسها الأخيرة إثر أزمة قلبية، وكتب «السعدني»: «عمري في حياتي ما اتكلمت عن حياتي الشخصية لكن حسيت إني لازم أعمل كده دلوقتي.. فذكر إن الذكرى تنفع (المؤمنين) أو الكافرين أو المستهبلين أو تنفع أي حد حس اني عملت حاجة«.
وأضاف: «هحاول مطولش يوم 9 /9 /2003 حب من أول نظرة في الشارع ما بين معهد السينما حيث كانت تدرس ومعهد فنون مسرحية حيث كنت ألهو وأدرس برضه ميضرش كنت راكب عربية وكانت ماشية على رجلها كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنة خطوبة سنة كتب كتاب شهر جواز خلفة أول ولد هنا بدأت المشكلة اللي بكتب الكلام ده عشانها».
وتابع: «أنا زي كتير للأسف شباب تحمل مسئولية بص لنسب الطلاق وإنت تفهم أنا بيجيلي ارتيكريا لما أحس إني مسؤول وهي برضو حبيبتي زي بنات كتير بتقول طلقني أكتر مبتنطق اسمي كانت النتيجة في أول سنة بس حوالي 4 طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقي لا تعالي يا عم طبق الشروط أدي أول طلقة..ق شطة يا باشا عشت حياتك؟ اه ...ارتحت؟؟ لا».