«بتهونوا عليا وحدتي»..ميار الببلاوي توجه رسالة لمتابعيها بعد انتقادها بعرض حياتها الشخصية

وجهت الإعلامية ميار الببلاوي رسالة إلى متابعيها بعد انتقاد أحد متابعيها لعرض حياتها الشخصية دائما على السوشيال ميديا تعليقا على منشور تحدثت خلاله ميار عن كسر شاشة هاتفها.
وكتبت ميار الببلاوي، منشورًا عبر حسابها الشخصي بموقع التواصل الاجتماعي فيسبوك: «بجد هو أنا أوفر لما بجري عليكم لما يحصلي، حاجه لما ببقى زعلانة أو فرحانة أو تعبانة مانا بحبكم أوي من غير ما أشوفكم ودعائكم بيفرق معايا، ده بفضل دعاء أمي ودعائكم ربنا نجاني وأنا بين الحياة والموت في أمريكا، أنتو بتهونوا عليا وحدتي وبطبطوا على قلبي مدفي، بيكم حتى لو بينا عالم افتراضي، مش هزعل قولوا لي لو أنا اوفر وأنتو بتزهقوا مني لآن المسج دي خوفتني الصراحة صباحكم رزق وهنا وكلنا على باب الله».
وكانت ميار الببلاوي، أعلنت عبر حسابها الرسمي بموقع التواصل الأجتماعي «فيسبوك»، عن تعرض نجلها لأزمة صحية، وقالت في منشور لها :«إيه ده، إيه الدنيا دي، الواحد عايش في كوكب، لوحده، ملهوش حد، ولا يفرق مع حد، كله بيقول يلَّا نفسي، ولو ليه مصلحة عندك؛ يعملك نفسه مروحة، ولو مالوش، ما يلزموش، دي كلمة ست طيبة لقتني ببكي في المسجد بتاع المقابر، وقالت ليا: دموعك غالية، وفَّريها، الجايات كتير، والله استغربت كلامها، وكأنها تؤهلني للي جاي».
وأضافت :«النهاردة ابني من الصبح بيموت بين إيدي، بيرجَّع ويتلوَّى من المغص، ودكاترة داخلة، ومحاليل وحقن وأدوية، وبكره الصبح، امتحانه، لأنه في بكالوريوس، ودي آخر مادة، طبعًا كده خلاص، مفيش أمل إلا بمعجزة من عند ربنا؛ لأنه رايح والسخونية 40، ألاقي حد حقير كلمني، وبحكيله أن ابني تعبان وبيموت من المغص وبيصرخ، يطلب الطلب اللي هو عاوزة ويقفل، عاوزة أقول: الله ما يحوج حد لحد، بس بعد الضنى مفيش، وكده حلو قوي».