أم عبدالله تستغيث: على 18 حكم عشان استلفت 8 آلاف جنيه.. هسلم نفسى بس حد يربى عيالى (صور وفيديو)

وجهت هناء محمد شاكر، 39 سنة، استغاثة بعدما صدر ضدها 18 حكما بالحبس، بسبب دين بسيط عليها، قائلة «انقذونى أنا وعيالى.. عندى 18 حكم، وكل يوم بستخبى في بيت من الشرطة، وعندهم حق عشان أنا على أحكام نافذة».
وتابعت في بث مباشر مع المصري اليوم، «عندى استعداد اسلم نفسى بس حد يربى العيال الأربعة»، مضيفة أنا «غارمة بسبب 8000 آلاف جنيه، قمت باستلافهم من احد الناس عشان أربى عيالى جبت «فرشة خضار وفاكهة» عشان أبيعهم وأربى عيالى الاربعة عبدالله ويوسف ومحمد وأسماء، لكن لم استطيع السداد وزاد المبلغ على واصبح على أكثر من 70 ألف جنيه».
وقالت هناء محمد شاكر «مقيمة في كفر المناشى بمركز ببا التابعة لمحافظة بنى سويف، اتجوزت من 14 سنة، ولما الديون زادت على فوجئت بزوجى هجرنى، وسبنى أنا وعيالى الأربعة وراح اتجوز على، وأنا وحيدة ابويا، وأمى محلتاش حاجة، وأنا نفسى أهل الخير من الحكومة أو الناس الطيبيين يربوا عيالى الأربعة، وأنا اسلم نفسى للشرطة».
وتابعت «أنا أعيش مع أولادى في غرفة ب300 جنيه، والغرفة لا يوجد بها إلا بوتاجاز ومسقوفة بالخشب، وفيها دولاب وملابس أولادى موجودة في اكياس بلاستيك، وأنا نفسى حد يساعدنى من وزارة التضامن الاجتماعي، يعملوا بحث لأولادى ويعلموهم لأن اسماء بنتى الكبيرة تركت المدرسة ومش معايا مصاريف».