زوجة ماجد المصري تتحدث عن تدهور صحتها بسبب كورونا وحريق في يد ابنتها

كشفت زوجة الفنان ماجد المصري رانيا أبوالنصر، تعرّضها إلى مشاكل صحية، بفعل إصابتها بفيروس كورونا المستجد، مشيرة إلى أنها لم تكن مُصابة وحدها بالفيروس بل ابنها أصيب بالفيروس أيضًا، فيما سلطت الضوء على إصابة ابنتها بحرق في اليد.
وقالت «أبوالنصر» عبر «إنستجرام»: «بنتي إيديها اتحرقت والكورونا نزلت على الرئة عندي وابني كورونا.. ربنا يسترها يارب اللهم اشفي كل مريض يارب الناس فاكره إن الواحد عايش بالطول وبالعرض إحنا بننزل بس الحاجات الإيجابية اللي في حياتنا عشان ندي الطاقة الإيجابية إنما الواحد عنده بلاوي في حياته».
وتابعت: «بجد ماحدش يستكتر على غيره الحاجات اللي معاه والحياة اللي عايشها لأن الواحد بجد مايعرفش حياة غيره كل بيت فيه كوارث.. اللهم احفظني أنا وأولادي.. ادعولي بالشفا».
وشاركت بصورة ليد ابنتها وعلّقت: «اللهم لا اعتراض بنتي مايه مغلية وقعت على إيديها، اللهم لا اعتراض بس بجد أنا مابقتش فاهمة إيه اللي جاي تاني يارب أسترها»، وكان زوجها، علّق الساعات الماضية على الحرق في يد ابنته: «الحمد لله على كل حال، ألف سلامة عليكي يا داليدا يا نور عيني».