المصري كيدز .. حدوته جوايز الشطار

فى يوم من أيام الدراسة الجميلة زى كل سنة كان فى حفلة كبيرة عشان الولاد الشطار منهم اللى بيكونوا مذاكرين وكمان جيبين أعلى الدرجات ومنهم اللى فى الرياضة متفوقين واخدين كمان بطولات ومنهم اللى بهويتهم مبسوطين وطبعا كمان المؤدبين كل دوول ليهم جوايز كتير هيخدوها قدام المدرسة كلها زى كل سنة فى الحفلة.
مالك السنة دى كان من الشطار وبياخد جايزة جميلة ومامته وباباه جايين يتفرجه عليه وهو بياخد الجايزة وكمان الجدة فريدة اللى بيه ديما فخورة وسعيدة عشان مالك قدر يعمل إنجاز كبير وقدر يتحدى المثل الكبير اللى كان جواه أصله كان كل سنة يقول أنا استحالة هاخد جايزة الشطار وكان على طول كسلان وميحبش أبدا يكون عنده مسؤوليات ولا إنه يعمل أى مجهود ولا حتى يروح التمرينات وعايز طول النهار يتفرج على التلفزيون ولما كان يجوع بطلب من مامته الأكل ويكسل هو يقوم فضل مالك كدا كتير لحد ما بقى وزنه كبير وميقدرش يقوم حتى يلعب شوية صغيرين الجدة فريدة كانت عليه حزينة أصلها كانت جدة نشيطة وتحب جدا تعمل كل حاجة بأديها وكانت تكره جدا تشوفه كسلان وكانت تشجعه وتقوله لازم تتغير عشان تحس بالإنجاز لكن مالك كان مش مدى اهتمام وفى يوم مالك كان فى البلكونة وشاف الجدة فريدة كانت راجعة من السوق وشايله أكياس كتير ندهت عليه.
وقالت ليه إنزل ساعدنى قوام قلها حاضر ودخل على الكنبة وقال هى هتطلع أنا مش قادر أنزل والحاجات هتكون كتير وفعلا الجدة فريدة مكنتش قادرة تطلع السلم وهوب راحت متكعبلة ورجلها وجعتها وقعدت تنده على مالك عشان يديها العصاية بتاعتها وهو يقول أنا مش قادر أقوم لحد ما جه جارهم سيف وساعدها ولما دخلت البيت مالك شافها تعبانة والجدة منه كتير زعلانة اعتذر ليها وزعل وقال أنا آسف مش هعمل كدا تانى وفكر مالك إزاى يقضى على الكسل اللى جواه وبدأ واحدة واحدة بشوية مهام زى إنه يروق سريره كل يوم ويلم أدواته ولعبه فى الصندوق ويروح التمرين ويلتزم بالميعاد مظبوط وحط هدف ليه كل أسبوع إنه يخلص كل مسؤولياته على طول ولما كان يحس بالكسل يفتكر الهدف على طول وأسبوع ورا أسبوع قدر ينسى الكسل خالص وبقى نشيط وحبوب ويساعد الجدة فريدة ويجيب طلبات السوق والمذاكرة والواجبات بيخلصها على طول وفى التمرين بيجيب أعلى سكور وقدر إنه فى السنة دى يتغير وكان دايما يشكر ربنا كتير إنه بقى من الشاطرين وأخد الجايزة وكانت لوحة تقدير فرح بيها جدا وعلقها فوق السرير وقال السنة الجاية كمان هاخد جايزة الشاطرين.