بعد حريق شقتها بسبب «دفاية».. بسمة وهبة : «امتى الشتاء يخلص؟» (فيديو)

طمأنت الإعلامية بسمة وهبة متابعيها على تحسن حالتها بعد حريق شقتها قبل أيام إثر ترك «دفاية» موقدة بسبب موجة البرد القارس التي تعرضت لها البلاد مؤخرا ما أدى إلى اشتعال النيران في الدفاية والسجادة التي كانت تحتها بعد حدوث ماس كهربائي بها، مؤكدة كرهها للطقس البارد الذي اضطرها لاستخدام الدفاية.
وقالت «بسمة» إنها تكره الشتاء وبرودة الطقس التي دفعتها لاستخدام الدفاية وتابعت خلال فيديو بثته عبر حسابها الرسمي على انستجرام قبل قليل وهي تتجول نهارا تحت أشعة الشمس: الشمس طالعة بس برضه الجو برد الناس اللي بتحب الشتاء إنتوا إيه.
View this post on Instagram
A post shared by Basma Wahba (@basma_wahba)
كانت بسمة وهبة كشفت عن تعرضها إلى حريق في منزلها، قبل 3 أيام موضحة أنه نشب بسبب «الدفاية» وتلك هي المرة الثانية التي يقع حريق في منزلها للأسباب ذاتها، فيما سجّلت مقطع فيديو وتظهر الخسائر التي لحقت بالأرضيات في المنزل.
وتابعت«وهبة» عبر «إنستجرام»: «أنا مابتعظش أبدًا، الدفاية ولعت والنار كانت حتولع في البيت كله لولا ستر ربنا، امتى الشتاء والكورونا يورونا ضهرهم بقى»، وأظهرت بالفيديو أجزاء من السجاد بعد اشتعالها وتضرر الأرض أسفل «الدفاية».
View this post on Instagram
A post shared by Basma Wahba (@basma_wahba)
كانت الإعلامية عانت من المشكلة نفسها، في يناير 2020، وقالت بعد مُشاركتها بفيديو من منزلها: «لو كنت حكيت مكنش حد هيصدقني، ربنا نجاني من موت محقق، المشترك ولع الساعة 5 الصبح ولحقته، وربنا نجاني الحمد الله».
وتابعت: «دخلت أنام وسبت الدفاية اللي في غرفة النوم شغالة، قلقت من النوم على صوت حاجة بطق، النوم سلطان ممكن حد ميقلقش بس الحمد لله إني قلقت، فتحت عيني لاقيت نور، قولت مين فتح النور في الأوضة وإحنا نايمين، افتكرت حد ولع النور، لاقيت مش نور دي حريقة ونار ولعة، جريت بسرعة أشوف إيه ده وافتكرت إني بحلم».
وواصلت: «لاقيت سلك المشترك سايح ومولع والنار طالعة منه وحارقة في الأرض حواليا، الحمد لله جوزي صحي هو كمان وجرينا عشان نطفيها، روحت أجيب مياه، لاقيت نفسي بعمل كارثة، بس جوزي جاب فوط وبشاكير وطفى الحريق، عرفت إن القطن بيتكلم مصري فعلا.