هاني شاكر: المهرجانات أقل من الغناء الشعبي..وإيه فايدة أوعي الأطفال ب«خمور وحشيش» (فيديو)

اعتبر الفنان هاني شاكر، نقيب المهن الموسيقية، أن أغاني المهرجانات الشعبية أقل من الغناء الشعبي، مؤكدا أنه مجازا يطلق عليها غناء شعبيا، وهي أقل من ذلك بكثير، وشدد على أن الفن رسالة.
وتابع خلال استضافته مع الإعلامية لميس الحديدي في برنامج «كلمة أخيرة» على قناة «on» الثلاثاء: «لازم نرتقي بذوق الناس، وفي الفترة الأخيرة لما عملنا امتحانات، وعمر كمال وحسن شاكوش وغيرهما قدموا للاعتماد في النقابة نبهنا عليهم إن فيه ناس بتحبكم، خلوا دايما المستمع في نظركم وانتوا بتغنوا، هو أنا أفرح لما ألاقي للأطفال في الحضانة فيديوهات بيقولوا «خمور وحشيش»!.
فقاطعته لميس الحديدي متسائلة: «مشكلتك مع الكلام مش مع الموسيقى؟»
فأوضح هاني شاكر: «ربنا إداني نجاح في غنوة حلوة إيه لازمته الكلمتين دول، هروح مقابلش حبيبتي، فهشرب خمور وحشيش؟، هبقى فرحان وأنا بعلم كدة لأطفال وأوعيهم؟ بصراحة لقيت ده خروج عن التقاليد والمعروف».
وتابع: «مكانشي فيه سوشيال ميديا كتير كدة زمان، كان فيه كلام كدة بيتغنى، النوعية دي مش هتلاقي كلام حلو فيها مش لازم خمور وحشيش، الأغاني الفاضية اللي مفيهاش مزيكا والناس بتسمعها للرقص، فيه هبوط في المعنى، مش لازم خمور وحشيش».
فقاطعته لميس الحديدي: «طب ما احنا كنا زمان بنقول على عدوية أغانيه هابطة»، فرد «هاني» :«بالظبط، رخينا الستارة، كام واحد رخى الستارة، نجاح أغاني عدوية كام واحد سمعها، النهارده بقيتي مشاع على الدنيا كلها وكل حد بيشوفها، والناس على السوشيال بتتسابق تعمل كل حاجة غريبة عشان تجيب مشاهدات وفلوس.. بوجه للناس كلها تهتم بولادهم بيسمعوا إيه، يسمعوهم أغاني مش هقول من 40 سنة».
View this post on Instagram
A post shared by ON (@ontv)