يا نيل يا أحلى من السكر.. وميتك شهد مكرر.. يا خير بيغمر أيامى.. وبيك ربيعى بيزهر.. يا منحة من عند الخلاق.. وميتك رى وترياق.. ولولاك لا كنا ولا كانت.. شجرة فى أيامنا تخضر.. يا نيل يا غالى قوى عليه.. يا نبع رزق وحنية.. يا روح بتجرى فى عروقى.. ونسمة فى قلوبنا ندية.. لولاك ما كان فيه وادى أخضر.. ولا زهرة فى حياتنا تنور.. لو كنت يوم أنا زعلتك.. يبقالك الحق عليه.. يا نيل يا معشوق العشاق.. يا فرحة اتنين بعد فراق.. يا مجمع الأحباب حواليك.. ومصحى فى قلوبنا الأشواق.. ما بين وصالك ودلالك.. وسحر موجك وجمالك.. تسهر على الشط قلوبنا.. مشتاقة بتغنى لمشتاق. [email protected]