رد حديقة حيوان بني سويف على اتهامات الفنانة سماح أنور

نفي مسؤولو حديقة الحيوان ببني سويف، الأربعاء، صحة ما تناولته الفنانة سماح أنور على مواقع التواصل الاجتماعي «فيس بوك»، التي تتهم فيه حديقة الحيوان بوضع مادة لاصقة على فم ثعابين الكوبرا داخل بيت الزواحف مؤكدين أن الكلام عار تماما عن الصحة.
وقال إبراهيم محمود، مسؤول بيت الزواحف في تصريحات خاصة، إن الثعابين تمارس حياتها بصورة طبيعية وهناك موظف يتبع الحديقة يقوم باصطياد الثعابين وإيداعها ببيت الزواحف ويقوم باستخراج الثعابين في حالة قيامه بإطعامهم، ونفي المسئولون تحصيل أي رسوم إضافية داخل أروقة الحديقة بخلاف التذكرة الرسمية المقررة عند الدخول.
كانت قد اتهمت الفنانة سماح أنور مسؤولي حديقة الحيوان ببني سويف بوضع «شريط لاصق على ثعبان الكوبرا في بيت الثعابين بحديقة الحيوان، كما أن الاسد مريض وفكه الاسفل مفتوح طوال الوقت، وقالت سماح أنور، عبر صفحتها على الفيس بوك، أن صديقتها مريم ثروت، مهتمة بانقاذ الحيوانات، ذهبت إلى حديقة الحيوان وعندما دخلت بيت الثعابين، وجدت ثعبان الكوبرا سلوكه غريب، ولا يستطيع الهجوم لان هذه عاداته لانه»مش أرنب«والعامل يقوم بادخال الناس دون خوف تتصور مع ثعبان الكوبرا، وفوجئت بوضع شريط لاصق على»فمه«ولا تستطيع البخ، أو الاكل، وستظل هكذا حتى تموت ،
وقالت اننا لو وجدنا حيوانات برية معروضة للبيع لا نبلغ عنها ابدا لانها لو تم مصادرتها ستذهب إلى «جهنم» تحت مسمى حديقة الحيوان،أو تحت مسمى مركز الانقاذ الحكومى وانا مش عايزه اقول كلمة مش كويسه عشان الناس كلها تشير البوست .
وتضمن بوست الفنانة سماح انور، ليه بيعملوا كدة في الحيوانات؟ بجد ليه همه الناس دول مرضى ؟؟؟ عندهم امراض نفسية وعقد بيطلعوها عالحيوانات؟ مفيش أي تفسير من اللي دايما بنسمعهم اصل مفيش موارد اصل مفيش مكان ،طب نتكلم عن الفساد المالي عشان هو دة اللي بيهم الناس انما الارواح مش فارقة معاهم تتعذب، أي حد داخل بيت الاسد لازم بيدفع 2 جنيه بس مش رسمي ومش ب ايصال واحد قاعد عالباب بيلمهم ،الفلوس دي بتروح فين؟ هاه
هل الادارة عارفة وساكتة ولا عارفة ومشاركة ولا مش دارية ؟انا بناشد الاعلام انه يتدخل
طبعا في ناس هتجري تحذر الادارة المركزية اللي بدورهم حيحذروا حديقة بني سويف بس الفيديو بيتكلم عن نفسه ،و أي حد من الاعلام عنده استعداد يتبنى الموضوع
وقالت مريم ثروت، إحدى الزائرات لحديقة حيوان بنى سويف، كنت فيها النهاردةوذهبت إلى بيت الاسود، وجدت اسد فكه الاسفل مفتوح، ولا يستطيع الاكل ومنتظر الموت، ودخلت مكان الزواحف لقيت التعبان الكوبرا، في الارض عادي كدا!! لانه بيطلعوه للزائرين عادي يتمنظروا بيه ويقربوا منه وصور وبتاع !!ووصل الامر ان اللي مسؤول عنهم كان بيسجل لزائر ف الفون الجمل اللي بيقولها للتعبان!!سألت: حضرتك التعبان دا سام؟! رد قال لاا، وبوقه مقفول طب هياكل ازاي حضرتك ؟! ،رد قال مبياكلش، هو كدا لغاية ما يموت
وقالت مبدئيا انا مابفهمش ف التعابين بس التعبان دا طول الوقت عاوز يبخ ومش عارف من قفله بوقه وانا شوفت دا كويس لما تحط ف البوكس الزجاج، وقعدت اقرب صوباعي من بره الزجاج فوجئت بالشريط اللاصق عليه
وقالت شيماء رجب زائرة ان اولادى يدخلون بيت الاسود ونفتح 2 جنيها لمشاهدة الاسد ويقوم العامل بوضع حديده طويلة للاسد ليطلق زائيره عشان الاولاد يفرحوا، والثعبان بنتصور معه وعلى فمه شريط لاصق