السيسي يضع شرطًا لإنشاء الجامعات: «هدخلكوا جوه التصنيف بالأمر» (فيديو)

قال الرئيس عبدالفتاح السيسي، الخميس: «بقول مش هتتعمل جامعة في مصر تاني إلا لو عاملة توأمة مع أفضل 50 جامعة في العالم».
وأضاف السيسي، خلال تدشين مدينة العلمين الجديدة: «جاتلي شكوى بيقولي عامل بروتوكول مع جامعة، فلازم تديني القرار الجمهوري عشان أعمل الإجراء، لو عايزين تعليم حقيقي خلوا الجامعات المتقدمة تحط شهادتهم معانا دي تكاليف مش تكاليف فلوس لازم نستحمل، كل مجمو عة عايزة تعمل جامعة تكمل ورقها وتعمل التوأمة وختم لأول 50 جامعة هطلع القرار، مش هوقف حالها، لو عايزين تعليم حقيقي نقطع الخط الموجود ونخش دا يخلينا نتنافس».
وتابع: «بيقولوا ليه بتضغط علينا، أنا عايز المصلحة، وتقولوا خرجنا بره التصنيف العالمي ال500 طب أنا هعمل جامعات لأول 50 وادخلكوا جوه التصنيف بالأمر»، مضيفا: «في الجلالة بنعمل جامعة حاجة تانية خالص ومصرين إننا مش ممكن تفتح جامعات إلا وشهادتها تتابع وتقيم برامجها بواسطة أول 50 جامعة في العالم دا هيكلفنا فلوس أه».