و يبقى الحال كما هو عليه

يبقى الحال كما هو عليه هذا هو وضعنا ياسادة و يا سيداتى حاليا للاسف
الفساد لسا زى ما هو مغرق الدنيا اى نعم مش بنفس البجاحه بس لسا موجود
و فى مراكز كتير عندك مثلا مثلا يعنى :
الدكتور الكبير الكبير اوى يحيى الجمل
دا تقريبا مبقاش فى حد مصر ما استفزوش بكلامه و راجعونى لو غلطان
استفز الاسلاميين و المصريين كمان و احنا بطبعنا شعب متدين على فكرة
تطاول على الذات الالهيه اكتر من مره و فى كذا حوار
سيبك من دى خش ع التانيه بقا
اما استفز كل الثوار و باقى المصريين برضو
اما خرج علينا فى حوار بيقلنا انا كالطود الراسخ فى الارض
لن يقلنى احد و لا يجرؤ احد على اقالتى !!!
و ناقص كمان يقلنا من انتم ؟ من انتم ايها الجرذان ؟
سيبك من دا خالص منه لله لقا هنعمل ايه ؟
لا هنعمل كتير حاجه بسيطة نعمل مليونيه يحيى الجمل عشان المجلس العسكرى يقتنع
انه بعد كدا لازم يقضى ع الفساد اما يشوفه مش يستنانا ننزل
عايزينا ازاى نبنى و نشتغل و ندرس و نتفرغ لبناء البلد و احنا كل شوية بنلاقى استفزاز رهيب من الحكومه او من النظام السابف
يعنى زينا زى العالم اللى بيبنى جهاز دقيق جدا و بيتعب فيه و كل شويه تيجى جمبه دبانه يجيى يهشها يطير كل الشغل اللى عمله و يكسره و نرجع نقول البلد حالها واقف
طب متقفوا انت معانا شويه عشان نقف على رجلينا و ربنا يكرمنا دا احنا غلابة و طيبين ايوا الله و بنحب مصر ..!!!