«مين أحمد التباع؟» يتصدر «تويتر».. ومغردون: «طلعنا عارفين حاجة أهلنا مش عارفينها»

تصدر هاشتاج «مين أحمد التباع؟» الكلمات الأعلى تداولاً على موقع «تويتر»، وذلك عقب إذاعة حلقته، الاثنين، مع رامز جلال، في برنامجه «رامز واكل الجو».
كانت التغريدات الأكثر تداولأ عبر الهاشتاج هو السؤال «مين هو أحمد التباع؟»، لتختلف الإجابات من شخص لآخر.
قال «أحمد»: «ومين فينا أبوه وأمه مسألهوش مين أحمد التباع وسعيد الهوا دول؟»، وبشكل ساخر قالت «ياسمين»: «وأخيرا إحنا طلعنا عارفين حاجة أهلنا مش عارفينها».
على جانب آخر، قال «محمود»: «بابا بيسألني مين أحمد التباع؟ قولتله ده صاحب نظرية فرتكه فرتكة»، لتكشف أخري عن إجابتها بشأن سؤال والدتها من هو التباع لترد قائلة: «شكله صاحب رامز أماما أحبيبت قلبى».
وأجاب آخر بسؤال أسرته «مين أحمد التباع؟»، قائلاً: «دا كبير مشجعي الاتحاد السكندري»، وقال «محمد»: «أنا أمي سألتني مين أحمد التباع ده، قولتلها تباع في موقف كرداسة كان بيركب الناس في الميكروباص بتاعة لما القسم اتحرق».
على الجانب الآخر، سخر عدد من المعلقين على استضافة جلال لكل من التباع وسعيد الهوا، حيث قال معتز: «إنت شخص بائس لدرجة إن أحمد التباع راح دبي وإنت لا»، واتفقت معه هند التي قالت:«أحمد التباع وسعيد الهوا والخليل كوميدي بقو شخصيات عامة وبياخدوا فلوس على إنهم شخصيات عامة وإنت لسه قاعد في مكانك يا بائس».
ليختم عبدالحميد التعليقات قائلاً: «تخيلوا إن أحمد التباع وسعيد الهوا سافروا دبي، في شغل وإنتوا لسه قاعدين! رايحة بينا على فين يا مصر؟».