انتقد الإعلامي عمرو أديب، أداء شوقي غريب، المدير الفني لمنتخب مصر، بعد الهزيمة التي تلقاها «الفراعنة» أمام تونس، في الجولة الثانية للتصفيات المؤهلة لأمم إفريقيا، قائلًا: «الراجل أَصَرَّ يلعب بالعواجيز، بالخطة القديمة والناس القديمة، كان لازم يتغلب». وتابع «أديب»، خلال برنامجه «القاهرة اليوم»، على قناة «اليوم»، مساء السبت: «يا راجل دا الحضري كان قاعد على الخط، هو وكابتن حسام غالي، كان ناقص يبعت يجيب حسام حسن ينزل يلعب، لاعبي تونس كانوا ممكن يلعبوا ماتش تاني بعد ماخلصوا، وأنت عارف إن الدفاع كان زي الزفت، وكان ليهم ضربة جزاء حقًا وصدقًا، طب تخيلوا لو كانوا خدوها». واستكمل: «اللي حصل دا درس في الإدارة والمستقبل، الراجل اللي بيغير متأخر وينزل شيكابالا قبل نهاية الماتش بربع ساعة، دي طريقة مصر لازم نستنى لآخر لحظة وآخر ماتش وال100 ألف يروحوا يدعوا يقولوا يارب». شاهد أخبار الدوريات في يوم .. اشترك الآن