السيسي للقادرين: «مش هتقفوا جنب مصر ولا إيه؟»

قال الرئيس عبدالفتاح السيسي، الاثنين، إن «ده وقت القادرين، وقلت إن فيه صندوق نعمله، وبتكلم عليه تاني وتالت ورابع، وأنا بكلم القادرين، مش هتقفوا جنب مصر ولا إيه؟».
وأضاف السيسي، في خطاب وجّهه إلى الشعب بمناسبة ذكرى العاشر من رمضان: «إوعى تفتكروا إن مصر يكفيها 10 ولا 20 ولا 50 مليار».
وتطرق للحديث عن «ولادي اللي في الشوارع»، حسب تعبيره، قائلًا: «النجاح اللي تحقق لمصر عشان يبني البلد وينتصر وانتصر (في العاشر من رمضان)، وإوعوا تنسوا إن فيه فصيل وقلتها لرجال الإعلام والصحافة، فيه فصيل مايعرفش ربنا ومستعد يهد الدولة المصرية وبيعمل على كده، وبيعتقد عن دي حرب مقدسة، وانا مش ناسي وأرجو إننا ماننساش، وخلوا بالكم النهارده استخدم الدين كأداة لتدمير الدول».
وقال: «كان قبل كده العدو من بره وأنت شايفه وبقى فيه أمكر وأخبث من كده، وعشان نبقى إحنا هنا الممانعة قدرنا على الصمود مهزوزة ويا ترى مينا لصح ومين الغلط، دهب يقولوا لا إله إلا الله، وبصوا كويس، وبفكر نفسي وبفكر كل مصري مسؤول قادر وغير قادر، بصوا كويس شوفوا اللي بيحصل في دول شقيقة لنا بتتهد وتتقسم باسم الدين، طيب ممكن ده يحصل مع مصر، لا والله، مش هيحصل مع مصر، وزي ما بتكلم معاكم، ربنا ما يرضاش أبدًا بالظلم والفساد، وإحنا إن شاء الله لن نظلم ولن نكون مفسدين في الأرض».