بالفيديو.. «أديب» للمصريين: متتصدموش لما النور يقطع في حكم السيسي أو صباحي

طالب الإعلامي عمرو أديب، الشعب المصري، بعدم توقع حدوث تغيرات كبيرة في مصر خلال أول عامين من حكم الرئيس القادم أياً كان أسمه، مضيفاً أنه «سعيد لأن المشير السيسي بدأ يهدأ من هذه النغمة».
وتابع «أديب» خلال برنامجه «القاهرة اليوم»، الذي يُذاع على قناة «اليوم»، مساء الأثنين : «هيكون في نور و مياه بتتقطع، ومستشفى فيها قطط و كلاب، والمرور تعبان، وطوابير على العيش،إنما هنكون ماشيين في الحل»، مشيرا إلى أنه يُقدر جرعة الأمل التي يعد بها أي من المُرشحين.
وأضاف : «أنا شخصيا عايز دولة عادية و بعدين نبقى نشوف الطفرة و القفزة، بس نعرف إحنا بننط منين، الحمل تقيل أوي»، موجهًا حديثه للمواطنين : «بشويش يا جماعة، مش عايز يبقى عندكم صدمة لما المشير أو حمدين ييجوا والنور لسه بيتقطع».
و تابع حديثه: «المصريين فيهم طبع كده و أنا منهم، يقولوا أهوه جه يا سيدي عملنا إيه والنور مقطوع والزحمة موجودة، فين بقى الحاجات اللي قالولنا عليها، علشان لو حد عنده هلاوس في دماغه أن مصر هتبقى سويسرا في سنتين».