والدة «زينة»: هتكفل ب«ميادة» ضحية الاغتصاب وأخوها لآخر يوم في عمري

قالت شيماء غزال، والدة الطفلة زينة التي تعرضت للاغتصاب والقتل في بورسعيد، إنها ستتكفل بالطفلة ميادة التي تعرضت للاغتصاب في بورسعيد على يد والدها، حسب تحريات المباحث، لأخر يوم في عمرها.
وأضافت والدة زينة في مداخلة هاتفية لبرنامج «باختصار» على قناة المحور مساء الثلاثاء: «قررت التكفل بحالة ميادة، أنا زي أم مصرية، دي مبادرة من أم تشعر قد ايه البنت تألمت من أهل مش عارفين يحافظوا عليها، هتكفل بالبنت لغاية أخر يوم في عمري هي وأخوها».
وتابعت: «البنت مينفعش تعيش في الأسرة دي، وميادة ضحية للمجتمع، القانون والمجتمع والأسرة».
وقالت: «مفيش قانون في البلد يحمي الأطفال، قضية بنتي زينة اللي عملوا في بنتي ما فعلوه، مكنوش تحت مخدر فين القوانين اللي تحمي ولادنا لما تحصل 80 حالة لحد النهاردة، بعد زينة مرتكبينها لحد امتى هنفضل كده مش بنتحرك ومفيش عقاب ولا حساب؟».