بالفيديو.. رولا خرسا: «الإخوان لبست الحكومة عِمة.. وأطالب برجوع مبارك»

استنكرت الإعلامية رولا خرسا تعامل الحكومة مع جماعة الإخوان المسلمين، واصفة إياها ب«جماعة إرهابية»، ودعت في الوقت نفسه إلى عودة الرئيس الأسبق، محمد حسني مبارك إلى المشهد السياسي مرة أخرى.
وقالت «خرسا»، أثناء تقديم برنامجها «البلد اليوم» على قناة «صدى البلد»، الثلاثاء: «الجماعة تضحك على الدولة وملبساها العمة.. الإخوان بيلبسوا الحكومة العمة»، معتبرة تعامل الحكومة مع «الإخوان» أشبه ب«فيلم كارتون».
وأوضحت: «مش من المنطقي إنك كدولة إنك تشربي ليل ونهار من بير ذل وعنف ودم الإخوان في كل شوارع مصر، وفي نفس الوقت الحكومة تتحايل على الوسطاء عشان خاطر الصلح مع الإخوان، الحقيقية حاجة غريبة جدا وحزينة لدرجة مؤلمة جدًا»، متسائلة: «الناس دي مصدقة الإخوان ولا إيه؟».
واعتبرت أن «الدولة قدامها حاجة من اتنين، إما تعلن الحرب على كافة الأصعدة ضد الجماعة الإرهابية أو تجيب من الآخر.. ومعلش يعذروني أصدقائي بتوع (آسفين يا ريس) هنستخدم العنوان بتاع الصفحة بتاعتهم ونغير بدل الريس المرشد ونقول آسفين يا مرشد والحكومة تقول كده.. والحكومة تطلع تدعمهم وتعمل مبادرة وصفحات اسمها آسفين يا مرشد وترجع الجماعة ونفضها سيرة ونخلص».
وقالت: «يا حكومة أنتي حرة واعملي اللي أنت عايزاه»، مضيفة: «أنا أؤمن بهيبة الدولة وطلبي كمواطنة الحزب الوطني يرجع، مقراته ترجع، قياداته ترجع، والرئيس مبارك يرجع واللواء حبيب العادلي يرجع ونخلص برضه».