بيقولوا وصل الفساد لمعهد السرطان.. فيه الحيطان شققت وتصدع البنيان.. لسه المقاول بانيه ومسلمه إمبارح.. وظهر عليه العطب واضح فى كل مكان.. وعملوا لجنة تشوف الانهيار من إيه.. وتشوف مساحة الحديد فى الأعمدة قد إيه.. وإزاى فلوس البلد ضاعت فى ظرف يومين.. وفتشوا فى الورق على شىء يدل عليه.. قالوا ملف المبانى فى الحى مش موجود.. والفار أكل جثته والعنكبوت والدود.. ووزارة الصحة مش عارفة هاتعمل إيه.. بيقولوا اللى بناه باين عليه مسنود!.. والمسنودين فى البلد فى كل حتة كتير.. ملجمين البشر من بورسعيد لأبوقير.. والمال مع السلطة مرتبطين وفى الشارع.. خلفولنا الفساد والغش والتزوير.. أما المريض باختصار يروح فى داهية يموت.. ووزارة الصحة مش صارفة عليه سحتوت.. واللى معاه الفلوس يروح ويتعالج.. ماذا وإلا فعنده عزرائيل الموت!!