دستوركم ولا دستورنا

هو ده .. دستوركم ولا دستورنا
ادينا اتلغبطنا ..هنعمل ايه دلوقتي بقي
اقولكم كده ولا كده ..دستوركم بيمشي علي دستورنا لان دستورنا وهمي شكلي مزيف
يالا معدتش تفرق سينا من سونيا
أصل سينا بقي فيها سونيات كتير وصهاينة اكتر
يا جماعة خلو الاقتصاد ينتعش والدخل القومي يرتفع
والله حرام عليكم يا متأخريين
ماهو كله في الاخر بينصب علي حكومتنا الجليلة النزيهة الشفافة
واللي أكيد مش في خدمة الشعب ..اقصد مش في خدمة الشعب وحده .. أصلها بتخدم شعوب كثير
عندك مثلا : شعب رجال الأعمال وشعب أعضاء الحزب الوطني ومرشحي مجلس الشعب وشعب رجال السلطة والنفوذ والمال ....الخ
بصراحة كان الله في العون ...ما هو اللي مايعرفش يقول عدس
والله الحمل زايد علي الحكومة وهي مصرة تشيلو كله عن الشعب
بس أكيد كل ده متحوش لها في البنك
بنك الحسنات طبعاً