مبروك أوباما مبروك.. إوعى تخيب ظننا فيك.. ولا تخلّى الصهاينة يسخنوك.. كفايه بوش واللى عمله.. خد عبرة منه وحياة أبوك.. بلاش تكون لعبة فى إيد الصهاينة زى اللى سبقوك.. بلاش تمشى وراهم وتحتل بلاد حرة حتى لو هددوك.. بلاش يضحكو عليك ويقولو ديمقراطية ويغرقونا ويغرقوك.. مبروك أوباما مبروك.. رجع جيشك من العراق وأفغانستان.. بلاش حروب كفاية تهور كفاية جنان.. كفاية قتل وسفك دماء عراقيين وأفغان.. بلاش تسمع كلام رامسفيلد ورايس والمختل ليبرمان! عمرو إبراهيم لقوشة [email protected] أسمر ودمه خفيف.. بيضحك وشكله لطيف.. أخيراً جه أوباما.. خدام للشعب وزعامة.. ذوق وشياكة وقيامة.. مدبس فيهم ابتسامة.. نتمنى يكون ليه بصمة.. وبلاش سياسة اللطمة.. وتكون أمريكا الحرة.. ذكية - مهياش ضرة.. وتنشر التغيير.. ديكتاتور - راسه تطير..وتساعد شعوب غلبانة.. وتحارب حكومات جعانة.. وفيه محكمة دولية.. للهبل والحرامية.. أهلاً سيادة الرئيس.. عشمنا متكونش فطيس! وجيه رياض حافظ أوباما.. أوباما إوعى تقلد بوش.. سكته كانت أخرتها حرب وألغام.. ومآسى كتيرة مين يداويها.. ومين يقدر يقلبها سلام.. الدنيا ف نظره شرور وعصابة.. بيجرى وراها ف كل مكان.. ولا حد عارفله صديق ولا صاحب.. وقالبها دمار وجنان ف جنان.. خليك دايما للعقل مصاحب.. وتساوى فى الحق شعوب بشعوب.. احكمها بحب وعدل وحكمة.. وابعد عن عالم غاوية حروب.. الخير مش حكر لدولة غنية.. والعالم مليان فقر وبؤس.. ملايين فى مجاعة وناس محرومة.. ساعدوها عشان بالرحمة تحس.. أوباما.. أوباما ابعد عن سكة بوش.. ولا ضرب هيردع ناس مقهورة.. بتدافع عن نفسها وولادها.. ولا عاد ينفع تجميل ف الصورة.. إدوها الحق وسيبوا بلادها.. أوباما.. أوباما خليك أحسن من بوش.. واتعامل.. بأيامة مش مبدأ حلأ حوش. خالد عبدالعال عبدالرحيم مساعد مدير بنك - المهندسين بادئ ذى بدء، لا ظل، لا برد، لا سلاماً.. لا ذُل، لا هوان، لا إستسلاماً.. لسنا جثثاً، لسنا أشلاء، لسنا شظايا، لسنا حطاماً.. لا أنتم أعلا شأناً، ولا أرقى مقاماً.. نحن قوم حالف الصعب، ونسو الأحلاما.. وجدل الواقع حقيقة، وطويا الأوهاماً.. إن كنت لا تدرك، سل الفراعين والأّهداما.. والنيل وصلاح الدين والأياما.. إنا لها.. أوباما.. أبيتم أم رضيتم، لا كلاما.. لن نقرع باب مدينتكم، شعوباً وحكاماً.. ولا نستجدى أمناً، ولا كساء ولا طعاما.. فلا تزيدنا أنعامكم، وأنعامنا، أنعاما.. ولا نبتغى من جلالتكم، حلالا أو حراما.. ولا تقربوا الصلاة، مصلين أو إمامَّا.. ولا تسكنوا ديارنا، قعوداً أو قياماً.. وما نحن متفائلين بطلعتكم.. بل نداما.. فتاريخ كل سالفيكم، أدلانا بئر الزحاما.. فلا يعوزنا حرباً أو سلاماً.. عاطف تكلا - السويس
