«السيسي» للمصريين في أعياد سيناء: «إيدينا تنقطع قبل ما تمسكم»

قال الفريق، أول عبد الفتاح السيسي، إن «الجيش المصري جيش وطني عظيم وشريف وصلب، ولا تقلقوا على بلدكم مصر».
وأضاف «السيسي» أثناء حضوره حفل جامعة المستقبل بمناسبة احتفالات أعياد سيناء «المصريون عندما أرادوا التغيير غيروا الدنيا كلها، وعندما نزل الجيش حماكم، واستمر 18 شهرًا يده لم تمتد إلى أحد».
وأوضح «السيسي» «احذروا لهذا الكلام جيدًا إحنا إيدينا تنقطع قبل ما تمسكم، من 3 أسابيع أقسمت قسم ياريت كلكم تكونوا سمعتوه، أنا قلته عشان كل مصري قاعد في بيته يكون مطمن رغم كل الصورة المتصدرة، كان فيه 150 ألف جندي في الشارع وإحنا كنا كلنا بناضل عشان لا يتأذى أي مصري، وعشان مصر تفضل مصر، وأنا مش هاقدر أقول كلام زي إللي قولته ليكم كلكم».
وقال إن الجيش المصري وطني عظيم وشريف جدا وصلب جدا وصلابته تنبثق من شرفه»، مضيفا: «لا تقلقوا أبدا على مصر».
وتابع: «من 3 أسابيع أقسمت قسم ياريت كلكم تكونوا سمعتوه، أنا قلته عشان كل مصري جالس في بيته يكون مطمئن» .
وقد هتف الحضور المشاركون في أوبريت «حبيبي يا وطن»، بعد الكلمه التي ألقاها الفريق أول «السيسي» ووجه خلالها التحية لصاحب فكرة الحفل، «جامعة المستقبل» وأعضاء هيئة التدريس وللإعلاميين الموجودين في الحفل، والكتاب والفنانين والمثقفين، قائلا: «مش عاوز أنسى أقول لأهلي المسيحيين كل عام وأنتم بخير».
وقد بكى الفنان محمد فؤاد وقال للفريق أول «السيسي»: «خلي بالك من مصر يافندم».
وأضاف «السيسي»: «الضباط اللي انتو شايفنهم دول والطلبة.. الدم اللي في عروقهم بيحب مصر، ونحن لا ننسى ولن ننسى شهداء رفح، لازم يكون عندنا أمل وثقة كبيرة في بكرة، وبكرة تشوفوا مصر وهي أم الدنيا وهتبقى أد الدنيا، وكل عام وأنتم بخير».
وفي نهاية الحفل هتف المشاركون: «خلي السلاح صاحي صاحي».
كان الفريق أول «السيسي» شهد، مساء الأحد، الحفل الذي أقامته جامعة المستقبل، بمناسبة عيد تحرير سيناء، وتكريم القوات المسلحة، بمسرح الجلاء في القاهرة.
وتضمن الحفل برنامج عزف موسيقي غنائي، ل«كورال» الجامعة بعنوان «وطنيات»، وتلاه أوبريت تحت عنوان «حبيبي يا وطن»، من كلمات الشاعرين عبد الرحمن الأبنودي، ونادر عبد الله، وألحان وليد سعد، وشارك فيه حسين الجسمي، هاني شاكر، نبيل شعث، مدحت صالح، لطيفة، محمد فؤاد، حكيم وآمال ماهر.