قصيدة - لمبة جاز

ورقه و قلم
و فرحه و الم
و ايد بالحق بتجمع
و عين بالعدل بتدمع
و قانون بيساوي
و حضاره و هرم
انسان محترم
بس كفايه
مش فاضل غير
لمبه جاز
وشعب اصيل
حاطط جوه اللمبه فتيل
و موصلها بفرع النيل
عشان النور لما ينور
جوه الضلمه يحمينا
اصل اللمبه لما تنور
هاتنور لأحمد ولمينا
لازم يجي اليوم يا بلدنا
اللي ننسي فيه أسمينا
ونفكر بعقولنا
ونشوف الضلمه اللي هاتعمينا
أصلي ساعتها
ولا هانشوف أحمد ولا مينا
ولا هانشوف مصر
أصل بلدنا ديا سفينه
يوم ماهتغرق
يوم ماهتغرق
هاتغرق بينا
لازم نعرف أننا
بشويه نور علي قدينا
علي قد بلدنا
علي قد أولادنا
علي قد سنين الحرب
فسينا
لمبه جاز راح تدينا
عيال وكبار وأمان في الدار
وشويه نور و رغيف
وعقل مفكر و شريف
وشويه ميه يحمونا
وشويه عدل ومساواه
وشويه رؤسا يكفونا
يحبونا
لمبه جاز
جايه تساعد و تغيرنا
جايه تحبنا وتفكرنا
وتنسينا وتنورنا