بقشيش الديليفرى مش قد المخاطرة

عادات طلبة الجامعة الأمريكية، داخل مقر سكن الطلاب فى شارع المرعشلى فى الزمالك، لم تتغير منذ ظهور أول حالة إصابة بأنفلونزا الخنازير داخل المبنى، يصحو بعضهم مبكراً ويطلبون الكافيه القريب منهم، حيث يبعد الكافيه الذى اعتادوا الطلب منه 6 عمارات ويستقر فى نهاية شارع المرعشلى.
عادات الطلبة أجبرت الكافيه الذى اعتاد توصيل الطلبات على عدم تغيير عاداته أيضاً، يخرج «محمد فتحى» (24 عاماً) بعد كل طلب، حاملاً إياه، على قدميه لقرب المسافة، يمنعه عامل الأمن الخاص من الدخول إلى المبنى الذى اعتاد دخوله، يسلم محمد عامل الأمن الذى لا يرتدى كمامة الطلب، ويقف خارج المبنى عدة دقائق منتظراً أن يأتيه الرجل نفسه بالمال.
وقال: «تعودت أن أخرج حاملاً الأوردر للطلبة، وده رابع أوردر أطلعه النهارده، ومن أول يوم ظهرت فيه الحالات والطلبة بيفطروا من عندنا، صحيح أنا وزمايلى خايفين من وقتها، لكن الأعمار بيد الله، وأكل العيش صعب، وبعدين إن كان موظف الأمن مش لابس كمامة ومش خايف، هاخاف أنا، غير إنى باحاول أقنع نفسى إن مادامت وزارة الصحة سيباه من غير كمامة يبقى الموضوع مفهوش خطر».
يتناول فتحى قيمة الطلب من رجل الأمن ويكتشف أن المخاطرة لا تساوى الكثير فى نظر الطلبة «البقشيش مش قد كده، أنا عارف إن المسافة مش بعيدة،
لكن أنا بامسك فلوس هم كانوا ماسكينها، مابيسيبوش فلوس بزيادة، وكأنى جبت الأوردر فى يوم عادى، ده أهلى كل ما باروح لهم آخر اليوم بيبقوا قلقانين منى، ومن إنى باتعامل مع الطلبة بتوع الجامعة الأمريكية، عموماً ربنا كريم».