كلمات.. ونفحات

■ لبيك يا ربى لبيك.. لبيك يا ربى لبيك.. ألقى بهمومى وأثقالى.. وأنينى وأحمالى عليك.. أهرب من حكمك وقضائك.. وأفر بأقدارى إليك.. أحتسب آلامى وعذابى.. وجراحى وآهاتى إليك.. فلعلك ترفع من أجرى.. حين أقف بين يديك. لبيك يا ربى وأتراجع.. عن ذنبى فى قلب حسير.. مسعور فى نار الإثم.. ومعذب من سوط ضمير.. ويخوض إليك فى بحر.. من ندم قاس وعسير.. فعسى أن يطفئه الموج.. من نار لهيب وسعير.. ويجره إلى باب العفو.. يدخله من باب كبير. لبيك يا ربى وفى قلبى.. إليك الحاجة أو الأرب.. فحاشا تمن على عطاء.. ومحال أن تأبى الطلب.. وحتى لو خاب رجاء.. أو طال فى سيره واضطراب.. يكفيه بأنه قد دخل.. فى عمق رحابك واقتراب.. ونال من قربك نعما.. أكبر مما أراد وطلب.
هالة محمد عبدالعزيز
باحث قانونى بإدارة تموين القوصية
■ فاكر ليلة العيد.. وحضن الأم اللى مدفيك.. وحب الأب اللى بيحميك.. ولمة حلوة على الطبلية.. ودوشة أصحابك حواليك.. سهراية ف ليل الأفراح.. بضمير مطمن مرتاح.. مش شايل هم الأيام.. وقلبك لسه مادقش جراح.. حلمك كله بس عيدية.. مع لبس يكون شكله جديد.. فاكر أحلى ساعات عشناها.. فاكر فرحة ليلة العيد.. عشت ليالى عيد بعديها.. وسنين شكلك فيها اتغير.. وكل ما ييجى العيد بتحن.. لليلة عيدك وأنت صغير.
مينا مجدى استمالك
■ هنيَّالك يا حاج بيت الله.. هنيّالك.. أكرمك ربنا.. ونعمة الحج وهبها لك.. نُلَت الرضا من الله، واتبدلت أحوالك.. هنيَّالك.
هنيّالك يا حاج وقوفك بعرفات.. متوجهاً إلى الله بخالص الدعوات.. متوسماً القبول من رب الأراضين والسماوات.
برجم إبليس فى داخلك تنقّى الجسد والروح.. ذبحك ونحرك فداء وتضحية وسمو للروح.. نلت الشرف بزيارة نبى الرحمة.. حبيب الروح.
هنيَّالك يا حاج بيت الله.. هنيَّالك.
فؤاد عبدالرازق
موجه صحافة سابق - إسكندرية