زمان.. وزمان

كلنا من طينة واحدة فينا أبيض.. فينا أسمر.. فينا عذب.. فينا مُرّ.. كلنا من أب واحد.. أم واحدة.. لكن الأيام بتلعب.. ناس سعيدة وناس فى ضر.. كان زمان الحب أكتر من النهارده.. والوشوش كانت تسر.. إن لقاك جارك فى هم كان بيخدك لأعلى بر.. وميسيبكش إلا لما تفوت همومك وتبقى حر.. آه من زمانّا.. إن خلاص مشيت فى حالك.. المشاكل فوق دماغك نازله تكر.. الفقير فى زمانّا تايه.. مش لاقيله فى مصر بر.. كل شىء أصبح طابور.. الغلا فاحش ولا فيك حال يسر.. الهموم زادت علينا.. والديون ماسكة فى إدينا.. وبصعوبة اليوم يمر!
رضا محمد الكافورى- الشهداء- منوفية