لا يزال أهالى الزاوية الحمراء يعانون من مشاكل السرقات والصرف الصحى والقمامة ، بالرغم من وعود الدولة بتطوير المناطق العشوائية بها، وإصلاح البنية التحتية للصرف الصحى ومشاكل القمامة، إلا أن الأهالى ما زالوا يعانون حسبما قال عدد منهم مجددين مطالبتهم المسئولين بتنفيذ وعودهم. وقال محمد قنديل، صاحب ورشة ميكانيا، "المقاول اللى اشتغل فى الشارع للأسف معندوش ضمير، والبلاعات بتاعت البيوت معملهاش طبات نهائى، ولو المياه ضربت فى البيت مفيش محبس يقفل المياه.. والشارع جاى بميل، بلاط طالع وبلاط نازل، ومحدش بيسأل ولا بياخد الزبالة، والأهالى عملوا وصلة بلاط على حسابهم". وأوضح أحد سكان المنطقة "سامى عبد المعطى" ، "كان فى 3 مقاولين شغالين هنا سابولنا نص الشارع معملوش بالبلاط وقالولنا مش تبعنا وفضلوا كدة لحد قبل العيد اللى فات، وروحنا جيبنا رمل على حسابنا وعملنا البلاط من فلوسنا إحنا". وعن القمامة قال "عبد المعطى"، "محدش بيلم الزبالة واللى بييجى تبع الحى 2 ستات بيكنسوا شوية ويمشوا". فيما طالب "رمضان عبد الباسط"، بحل مشكلة الإنارة موضحا "الإنارة عايزة اهتمام لأنها شغالة بنسبة 40% فقط"، مشيراً إلى أنها تخص الأمن، لأن "أطفالنا بتنزل تشترى حاجات بالليل واللى بيرجعوا من المدارس وأثناء فترة الشتاء الساعة الدنيا بتبقى ليل"، حسبما قال، كما طالب بأن يتم تجميع القمامة مرتين فى اليوم بدلا من مرة واحدة [...]