"البلد حاكمها راجل وهننزل مش خايفين"، هكذا تحدث مواطنون فى الشارع المصرى، عن مظاهرات "المصاحف" التى دعها لها تنظيم الإخوان الإرهابى والجبهة السلفية وقال كمال محمد، خلال لقائه ب"فيديو7″ قناة اليوم السابع المصورة، "أنا خدت حقى من البلد تالت ومتلت، ونازل ومش خايف لان البلد حاكمها راجل إسمها عبد الفتاح السيسي اللى عارف العفريت مخبي ابنه فين ويعرف يتعامل كويس مع أي عدو لمصر"، مؤكداً "مصر بالشرطة والجيش قادرين يحموا مصر على أعلى مستوى". فيما قال أحمد مبروك: "مصر أم الدنيا زى ما قال الرئيس السيسي وهتفضل أم الدنيا، وتحيا مصر"، فيما أضافت نادية مبروك "نازلين نساند الشرطة والجيش، لأننا لو سيبناهم لوحدهم هيتفكروا إن الشعب مش معاهم، لا إحنا معاهم ونازلين ومش خايفين ولازم الشعب كله يساند الشرطة والجيش لأن دى بلدنا ومش خايفين سواء كبير أو صغير". وأوضح يوسف مصطفى، من منطقة الشرابية "بطمن بلدى إن مفيش أى حاجة والدنيا حلوة، وربنا يسترها على الجيش المصرى والشعب المصرى"، مردداً "الشرطة والشعب والجيش ايد واحدة". وتابع سيد كمال "دول شوية فران لو خوفنا هنخاف منهم، دول مكانهم الجحور، وبقول للشعب المصري انزل ومتخافوش، دول فران بيخوفونا عشان منشوفش أكل عيشنا"، متابعاً "البلد دي محمية من ربنا مش من حد تاني. ووجه محمد محسن رسالته لجماعة الإخوان "مش خايفين منكم [...]
