دافعت الإعلامية ريهام سعيد، عن الفنانة حلا شيحا، بعد أن اتهمها البعض ب"المتاجرة بالدين"، بعد اعتزالها الفن وارتدائها الحجاب. وأعربت ريهام سعيد مقدمة برنامج "صبايا الخير" على فضائية "النهار"، عن دهشتها بانتقاد بعض الأشخاص لحلا شيحا، قائلة: "الناس اللى بيقولوا على حلا إنها بتمثل عليهم وواخدة الحجاب سبوبة.. إيه الوحاشة دي، افرضوا إنها تعمقت في الدين وعايزة تنقل خبرتها لوحدة زيي، وعايزة تقول هي سابت الدنيا دي ولا عجباكم اللى بترقص ولا اللى بتتحجب، ولا عاجباكم اللى بتعمل برامج خير، ولا عاجبكم اللى قاعدين في البيوت.. سيبوا الناس في حالهم عشان ميكرهوش الدين". وتمنت ريهام أن تكون مثل حلا شيحا، مشيرة إلى أن شيحا اعتزلت الفن في فترة تألقها، وعندما كان المخرجون يسندون إليها أدوار البطولة المطلقة.