بالفيديو .. كلمة البرادعي للمصريين في الذكرى الثانية للثورة

طالب الدكتور محمد البرادعي، رئيس حزب الدستور والمنسق العام ل"جبه النقاذ الوطني"، المصريين بالمشاركه في مظاهرات الذكري الثانيه للثوره التي تحل غدا 25 يناير، بجميع انحاء مصر.
وقال البرادعي – في رساله مسجله بمناسبه الذكري الثانيه لثوره 25 يناير – "احنا نازلين مره تانيه، واطلب من كل واحد ان يشارك وينزل في كل مكان في مصر، ليثبت ان الثوره لابد ان تكتمل وانها مستمره، واننا مش هنقف لحد منشوف اهداف الثوره اللي احنا قلناها كلها تحققت"، واستدرك البرادعي قائلا "ايوه - اهداف الثوره - هتاخد وقت لكن لازم نحط نفسنا علي الطريق السليم".
وحدد البرادعي هذه الاهداف، قائلا: "لازم نشوف كل بني آدم فقير قادر ياكل، وكل مريض لازم يتعالج، وكل طفل لازم يتعلم، وانه محترم ويعامل بكرامه"، مضيفا "كل ده لازم يتحقق، صحيح هياخد وقت، انما لازم اتاكد ان فيه شفافيه ومصداقيه، وان انا ماشي في هذه السكه".
كما حدد البرادعي 5 اسباب للخروج في مظاهرات 25 يناير، هي لم شمل المصريين، ودستور لكل المصريين، والاعتماد علي كل المصريين لتحقيق النهضه، وانتخابات نزيهه، وتوجيه رساله للنظام بانه يعمل لدي الشعب.
وقال "نازل علشان نقول ان كلنا مصريين، لا سلفي ولا اخواني ولا قبطي ولا ليبرالي، نازل علشان نقول لازم نجمع الشمل، ويكون عندنا دستور لكل المصريين، دستور يشوف كل واحد نفسه فيه"، مضيفا "نازل علشان لازم نعتمد عل كل مصري ومصريه، راجل وست (امراه) والست قبل الراجل، علشان ننهض ببلدنا ونحقق حريتنا".
وتابع البرادعي "نازل علشان اقول انا عايز انتخابات حره ونزيهه، وقوانين انتخابات تضمن تمثيل لكل افراد الشعب بكافه طوائفه.. نازل علشان اقول للحكومه وللنظام انتم موظفين عند الشعب وهوه اللي هيحكم عليكم من خلال الصندوق والاساليب السلميه كالمظاهرات".
وخاطب البرادعي الحكومه والنظام، قائلا "لازم تفهموا ان مصر تغيرت، وان الشعب ما قامش بالثوره، وان الناس اللي ماتت وضحت بارواحها علشان الثوره، هتسكت قبل ما تشوف النهضه والمصداقيه والشفافيه والعداله الاجتماعيه والحريه والكرامه".
وواصل "عايزين نشوف مصر مفاصلها رجعت تاني، عايزين نشوف مصر موحده، ونشوف اللي كلنا بنحلم بيه"، مؤكدًا "الحلم لسه جوه قلوبنا، الحلم مراحش، وعمره ما هيروح، وكلنا هنحكي لاولادنا ولاولاد ولادنا ان احنا عملنا ثوره، وان العيشه الكريمه اللي انتوا عايشينها ان شاء الله، علشان اهلكم ضحوا بحياتهم في سبيلكم".
واختتم البرادعي كلمته، قائلا "ربنا هيكرمنا، وهيوفقنا، وكلنا نقف زي البنيان المرصوص يوم 25: مطالب واحده.. وقياده واحده.. وهدف واحد، مش ممكن ان حد يتغلب علي الشعب، لان الحق معانا، هتاخد وقت، انما محدش هيتغلب علينا، وزي ما قلت دائما قوتنا في وحدتنا.. قوتنا في عددنا، والحق معنا، وربنا يكرمنا ويوفقنا جميعا كمصريين، وان نلحق بركب الحضاره ونبني مصر المستنيره، اللي احنا عايزين نشوفها باذن الله".
كلمة البرادعي