بالفيديو.. مواطنون ل«السيسي»: «ما حدش يقدر يدخل بينا يا ريس»

رصدت كاميرا "البوابة نيوز"، آراء المواطنين عن كلمه الرئيس عبدالفتاح السيسي، وهو يعزي الشعب المصري في شهداء الجيش بسيناء، حيث كانت أغلب الردود: "احنا معك في كل قراراتك يا ريس".
وقال عصام: "العبء تقيل جدا على الرئيس من المفروض الوقوف بجانبه.. وربنا معاه واحنا معاه".
وأضاف محمد: "لازم الشعب المصري يقف بجانب الرئيس والأجهزة الأمنية وأجهزة الدولة، عشان نمنع الإرهاب تماما من داخل مصر".
وقالت رشا: "احنا معاه في كل قرارته لأنه إنسان صادق في كل قرار اتخاذه، وكل كلمه يقولها ينفذها داخل البرنامج الانتخابي أو خارج البرنامج الانتخابي مثل مشروع قناه السويس الجديد".
أوضاف عم ممدوح: "هو صح مش لازم حد يدخل في أمور البلد غير الرئيس".
وقال صلاح: "احنا وراك دايما ومش عايزين أي دوله تدخل بين الشعب والرئيس في أي أمور تخص البلد مثل قطر وتركيا".
وأضافت فاطمة: "اللي إحنا عايزينه الناس تعيش بأمان".
وقالت سحر: "أنا موافقه على كلمه الرئيس لأن دا اللي كان لازم يحصل، لأن مفيش إنسان ليه الحق أنه يدخل في شئون بلدنا، واحنا لينا دستور ورئيس هو اللي بيحكم وينهي في أمور وشئون مصر".
وأضافت الحاجه امال: "ربنا يوفق الرئيس السيسي".
وقالت منى: "زعيم واحنا اختيارنا كان صح من الأول، وربنا يقويه.. ربنا يقويه".
وقال عم محمد: "موافق على قرار الرئيس.. أمين ياريس".
وأضاف عم مصطفى: "خطاب الرئيس يوجد به كلمات من المفروض كل الشعب يفهمها، ربنا يوفقه واحنا كلنا معا والشعب كله معا".
وقال تامر: "كلامه صح لو أي دوله تدخلت في شئون مصر تلخبط سياسه بلدنا، غير ذلك تصدر لينا أموال وبكده يكون ليها الحق في التداخل في شئون مصر".
وأضاف محمد: "أنا موافق على كلمه الرئيس لأن محدش يعرف يدخل بينا يا ريس".