قصة حقيقية على لسان مواطن بسيط من سكان الجمهورية بتاعتي يقول إن عربة جاره فيها ألارم معمول على أعلى درجة حساسية.. بحيث لو نملة ماشية جمب العربية يقوم الألارم شغال.. والحركة دي كانت عاملة إزعاج فظيع سواء له أو لباقي الناس. فقال المواطن سمعت صوت الألارم بتاع العربية.. وبعد كده ابتدى يخف بالتدريج.. قلت قشطة.. تلاقي البطارية بتاعة العربية خلصت.. مصلحة نزلت أجيب سجاير.. لقيت البوابين متجمعين في الشارع.. سألت سماعين البواب قلتله في ايه ؟ قالي العربية بتاعة الباشمهندس عمرو اتسرقت، قلتله باشمهندس عمرو مين ؟ قال لي الباشمهندس عمرو.. اللي عربيته صوت الإنذار بتاعها عالي دي، استغربت قوي.. قلتله ده أنا لسه كنت سامع صوتها من شويه !، قال لي آه.. ماهو الحرامية سرقوها والإنذار شغال!!.