هيرحوا_من_ربنا_فين؟!

عندي مشكلة من يوم ما عرفت أن الأوائل ليهم جزاء كل من أتبعهم، يعني أول قاتل ميزان سيئاته لا يتوقف مع كل جريمة قتل، فكر كدة في الرواد الأوائل التالي ذكرهم:
اللي عمل موضة جلد النمر للستات
اللي قال إن مصر جوها جميل صيفًا معتدل شتاءً
اللي قال الدين الوسطي الجميل اللي إحنا محتاجينه
اللي مدت بوزها في صورة
اللي قال الربيع بديع
الإتنين عملوا بوكس الدبلتين في خطوبتهم
اللي قال عمرو دياب لو نزل شريط فاضي هيتباع برضو
اللي عمل النيش
اللي حط أي كلام على لسان هيلاري كلينتون في مذكرتها
اللي بيسأل مافيش حاجة في السكة
اللي قال شعب مصر متدين بطبعه
اللي عمل ترانس شعبي
اللي بيسألك وأنت على باب البيت ونازل.. خارج؟!
اللي ما اتسحماش ونازل يركب الأتوبيس في أغسطس
اللي قال مرسي راجع
اللي بيدخل الناس جروبات ع الفيس بوك بالعافية
اللي شغل سهر الليالي في آخر فرحه
اللي قال هو مسيحي بس كويس
اللي بتقول مش آكل مش أشرب مش انزل
اللي أطلق على الرشوة اسم شاي
اللي عمل شركة تي إي داتا
اللي قال على فكرة ستات العالم بتحب الراجل المصري
اللي شغل التليفزيون في الكافيه وقفل الصوت وشغل أغاني
اللي قال الست مالهاش إلا بيت جوزها
اللي اتجوز في الصيف
مرتضى منصور
اللي اتجوز أصلًا
اللي قال لا تخرج قبل أن تقول سبحان الله
اللي بيسأل ها مش هنفرح بيك
اللي قال شكلك بالحجاب أحلى
اللي قال هو قالك فين
اللي بتلبس فستان أبيض في فرح صاحبتها
اللي عمل زرار الرقبة بتاع القميص
اللي قال الأهلي نادي المبادئ
اللي حب يسمع أغاني في الأتوبيس فشغلها على موبايله من غير سماعات
اللي وجب مع العريس في الفرح
اللي قال هي إيه اللي وداها هناك
اللي اشتغل خبير إستراتيجي
اللي قال عميق وعبث
اللي بيكتب ستاتيس البقاء لله وما يقولش مين اللي مات
اللي اخترع لا تدعها تتوقف عندك
وأخيرًا اللي عمل طقم الصيني
#هيرحوا_من_ربنا_فين؟!