نشطاء تويتر يسخرون من الزلزال الذي ضرب القاهرة اليوم

دشن نشطاء تويتر، هاشتاج بعنوان "زلزال"، بعد الزلزال الثاني الذي ضرب مصر صباح اليوم الثلاثاء، البعض أكد أنهم لم يشعروا بالزلزال، فيما سخر آخرون بأنهم يمكنهم الشعور بالزلزال في الإعادة.
مصطفى "طب نام دلوقتي ولما الزلزال ييجي هصحيك # زلزال"، بينما علقت نورا أخت حسام ميدو "# زلزال زلزال زلزااال.. قصة وموااال"، أما مرام "هاشتاج # زلزال تريند =D ومعظم الناس زعلانة عشان محستش بيه"، أما مصطفى سلامة "#بلدى مفيهاش حد بيحس بال #زلزال"، أحمد عصام "#زلزال انتو ليه بتندهشوا وبتحسوا بفرحة لما بيحصل زلزال ! شعب بيموت ويعيش اللحظات السودة".
في حين قال حجازي أكسلانس "لازم نحس بالزلزال عشان يحس بينا #زلزال"، ومحمد طارق "أنا عمرى ما حسيت بالزلزال عشان الزلزال عمره ما حس بيا #زلزال"، وكتب شادي محمد "احنا الشعب الوحيد اللى مبيحسش بالزلزال ييعرفوا من النت #زلزال"، وكتبت أمل عثمان "اللى ماحسش بالزلزال هيتعاد كمان ساعتين على قناة زلازيلو +2 #زلزال".
شيماء "ايه ده هو كان في #زلزال تانى، وبرضه محستش بيه.. أنا بقيت بعرف أن فيه #زلزال من الهاشتاج بتاع التويتر"، وأحمد أنور "بطّل تهز السرير يا أحمد عاوز أنام، أنت عبيط يا ابني، أنا على سريري ومهزتش حاجة !! #حدث بالفعل #زلزال #الخامسه صباحًا".
ياسمين عوني "#زلزال المصريين الشعب الوحيد اللي بيعرف أن فيه زلزال بالصدفة كده !"، وكتب أمير البحر "#زلزال مش ملاحظ أن زياراتك كترت"، ودكتور ربيع "#زلزال هو أنا ليه مبحسش بالزلزال ؟؟ عشان هو في مصر واحنا ف البرازيل"، وعلقت سماء محمد "هو ده #زلزال جديد ولا دي الإعادة"، محمود "الشعب المصري الوحيد في العالم اللي بيعرف الزلازل من تويتر، مش من أنه يحس به زي باقي البني أدمين #زلزال"، ميرنا طارق "من الواضح كده إن كان في #زلزال تانى ومن الواضح أكتر أن كل الناس محستش بيه برده"، sara uwk "#زلزال استغفر الله العظيم وده وقت صافيناز يعنى"، نهال رضوان "كان فيه #زلزال النهاردة تانى يا رب استرها معانا".