ما نغير ما نتكلم كتير.. لو كل واحد له نصيب، السيسي مكتوبله الكبير، والقسمة ليه يوم التنصيب، هيكون رئيس.. هيكون رئيس وبفرحه قويّة، بلمّة الدول العربية، رؤسا وملوك جايّة ف زيارات، سمو شيخ أهل الإمارات، وكمان ملك بلد السّعودية، جايين يهنّوا ويومها قريت، المغرب الأردن وكويت، بحرين جزائر برضه إيران، حتى الجميلة بجد عمان، هينوّرونا ف فرح البيت.. السيسي لبّى إرادة شعب، من وقفته وف وقت الصّعب، ولمّا شعبه طلب ( عايزينك)، ترد وتكمّل فى جميلك، وافق عشان ده بأمر الشعب، والفرحة زادت بانتخابات، شاركنا فيها وباحتفالات، وشوفنا شعبك حتّى الغير، غنّى ف نجاحك بشرة خير، وسمعنا صوت مليون زغروطة، من أمهاتنا عشان مبسوطة، حتى الغلابة ابتسموا لبعض .. يا سيسي مبروك #تحيا مصر، شرفتنا ورفعنا النصر، وبجد كانت أقوى علامة، عرفنا بيك إزّاى معناها، وحقيقي لايق أوى عالقصر، رئيس وحكمة وعقل وأصل، ودليل قوى على كل شهامة، بلدنا كانت عايزة زعيم، محتاجه قائد وأنت قائدنا، عشان أنت عارف كل لئيم، ومين عدو ومين اللّى قاصدنا، ومين إيديه اتمدّت يوم لينا، ومين وقف موقف يعادينا، ومين فرح من قلبه لمصر.. ياجمهورية مصر ياحرة، ياللّى التاريخ كتبك م الدرة، ياللاّ اشهدى يوم الحلفان، بيمين رئيس كان م الشجعان، قدر ينور تانى طريقك، مارضاش ف وقت الشدة يسيبك، رجل الزمان بعد الإخوان.. يا شعب بلدى قوم وبفخر، عايزين إرادة ونحت ف صخر، بلدنا محتاجة إنّك تبنى، ماتشوفش إيه اللّى وراك ولا تجنى، فكّر ف بكرة عشان ترسمها، بلون جديد وإياك تقسمها، خلّينا واحد ويقوينا حب وطريق آخره يرسّينا، على مصر حرة جميله قويّة، فيها ابن مصر وفيها بهيّة، عايشين فى نهضة وعلم ونور.. آخر كلامى أنا لازم أقول، للمستشار عدلى منصور، إن التاريخ كتبك يا رئيس، أنك بطل وبجد عزيز، على كل واحد مصرى شريف، شافك رئيس وطنى وعفيف، ومهما اسمك كان مشهور، شوفتك أنا عقلي منصور، صفتك دليل والاسم حليف .