مرشد الإخوان ل"العريان": أين عبد الرحيم علي الذي كان يملأ الدنيا ضجيجًا؟

عرض الكاتب الصحفي عبد الرحيم علي رئيس تحرير البوابة نيوز، تسريبًا جديدًا للمرشد العام لجماعة الإخوان محمد بديع مع نائب رئيس حزب الحرية والعدالة عصام العريان، حيث تساءل المرشد بسخرية أين عبد الرحيم علي الذي يملأ الدنيا ضجيجًا.
وجاءت نص المكالمة كالآتي:
عصام العريان:السلام عليكم
المرشد: وعليكم السلام ورحمة الله وبركاته هو بيقولي إن المرشد هو والإخوان وإحنا لا دخل لنا بالمواضيع دي بالمرة خالص يمسحها فينا ليه؟
عصام العريان: هههه ما أنا بقول لحضرتك هوده نفس الكلام
المرشد: برضوا محدش يتدخل
عصام العريان: بتقولي لو المرشد كلموه هتريح نفسيته
المرشد: ولا المرشد له دخل بالموضوع ده هو بيوجه لي كلام لا دخل لي فيه ولا أنا طرف فيه يمسحها في أنا ليه عشان أقول إن شباب الإخوان هو اللي بيعمل كده.
عصام العريان: طيب منا قولتله هذا الكلام وعمار على حسن كلمني إمبارح يقولي برضوا الشباب بيعملو لي اغتيال معنوي قولت له ده مش شبابنا ولا رجالتنا.
المرشد: لا لا لا اللي مواقفهم سيئة جدااا الناس متضايقه منهم والله يا أستاذ عصام
عصام العريان: دا حاجة صعبة ده أنا مرات ابني مورياني دلوقت واحد موجه فتوى لدار الفتوى بالأزهر اللي يقول كلام زي كده يبقا بيكفر.
المرشد: مش تبعنا خالص يا أخ عصام.
عصام العريان: على العموم فكر حضرتك ممكن بعد كده توجه نداء أنت للإسلاميين عامة والناس.
المرشد: لالا إحنا مش هنحشر نفسنا في الزاوية دي بالمرة وكأننا على رأسنا بطحة لا يا حبيبي احنا لا نكفر ولا إحنا هنخاف منهم هما هما اللي بيحاربوا على نفسهم يا حبيبي ميقولوش كلام تخلي الناس تستفز.
عصام العريان: طب في أول لقاء ثلاثاء ممكن تتناولها بطريقة حكيمة أن احنا منهجنا ومبدأنا لا نجرح في الأشخاص ولا الهيئات ولا نكفر مسلمًا أقر بالشهادتين، المبادئ بتاعتنا حضرتك تقولها.
المرشد: اااااااه اااااااااااه.. يا عن عصام قلهم بطلوا هجوم على الإسلام حرام عليكم
عصام العريان: هما هيوقعوا نفسهم في شر أعمالهم حضرتك.
المرشد: دا كلام دا.
عصام العريان: هما مجانين مجانين
المرشد: كلم عمار على حسن اسأله لما أخد الجائزة بتاعت الإمارات روحت مكلمه وباركتله في التليفون وقولت له ربنا يوفقك وينفع بيك دلوقت قالب 180 درجة ايه الحكاية اللي جرت ديه
عصام العريان: هههههههههههههههه
المرشد: وفين عبد الرحمن؟ وفين عبد الرحيم علي المحلل اللي ما اعرف ايه ؟ اللي مالي الدنيا ضجيج أين هو الآن اااه والله فسيكفيكهم الله ااه والله يا أخ عصام أكبر كلمة في القرآن فسيكفيكهم الله وهو السميع العليم.
عصام العريان: إن شاء الله أنا بس حبيت أعرفك لأنها قعدت تكلمني ربع ساعة.
المرشد: لالالا قولهم الجزء اللي يخصهم قولهم اتقوا الله في دينكم ااه دا انتو أسمكم أسماء إسلامية ميصحش خلي الكلام داا هو أنت عارف اللي بيهجمنا مين ده أحمد ومحمد وإبراهيم ومصطفى دا كلام دا
عصام العريان: لالا خير إن شاء الله ربنا كريم إن شاء الله
المرشد: الناس المسيحيين اعقل اللي عايزيين يعملوا معانا حوار واللي بيكلمونا من بره
عصام العريان: أيوه أيوه طيب أنا بس حبيت أعرف حضرتك
المرشد: طيب يا حبيبي والدكتور طارق الحقيقة عنده شوية أخبار جيدة ياريت تاااا
عصام العريان: هو قالي هيقعد معايا والجماعة السودانيين قالولي هيقبلوا حضرتك
المرشد: قعدت معاهم مدة بعد أخوك عاكف ما مشي قعدت معاه مدة تانية خدت الأفكار اللي عنده الراجل يعني عنده استعداد يساعدنا عنده صورة مغلوطة ياريت تصححهاله
عصام العريان: هههههههههههههههه
المرشد: عاوز يقابل عبدالمنعم كمان يقنعه لأنه بيقولي موقف عبدالمنعم سيئ قالي وجهة نظركم صحيحة جدًا في موضوع الرئاسة
عصام العريان: عرفت عبدالمنعم مرحش الندوة ليه؟
المرشد: ليه؟
عصام العريان: كان في قطر كان رايح يقابل الشيخ يستشيره أو ياخد رأيه
المرشد: ربنا يشفي الشيخ والله ادعيله أحسن بيقولوا حالته صعبة أوووي
عصام العريان: ااه ما أنا عارف الموضوع ربنا إن شاء الله يشفيه يارب
المرشد: احتمال نبعت حد من أخوات إن شاء الله يزوره قريب
عصام العريان: والله هتبقا كويسه
لالا حاضر إن شاء الله