أفلام أجنبي.. أُم العربي

مين فينا ما شافش فيلم أجنبي؟
مين فينا ماعندوش "دِش" وبيتفرج بالساعات على MBC 2؟
للأسف، رغم إن الأفلام الأجنبي بتمثل نسبة ترفية كبيرة للمصريين - بجانب قناة التت والرقص الشرقي !- إلا إن الأفلام الأجنبي لها تأثير كبير جدًا على المصريين - المصريين بالذات -
(1) الأفلام الأكشن..
من كتر الدم والقتل اللي فيها، خلاص المناظر دي بالنسبة لنا في الحقيقة مش مهمة.. عادية جدًا.. لو أنت ماشي في الشارع وعربية خبطت واحد وحدفتة متريين بعيد.. أنت مش هتجري علية عشان تنقذوا.. أنت هتعقعد على الرصيف فطسان من الضحك.
(2) الأفلام الرومانسية..
فهمتنا أن أي قصة حب.. آخرها ورقتين عرفي أو تخلف عيل ويتاخد منك وما تشوفوش تاني أو أنك تموت بالإيدز.
(3) الأفلام الكوميدية..
فهمتنا أن أي واحد معاة فلوس وكتب نكتتين ممكن يعمل فيلم كوميدي، مش مصدقني ؟ اتفرج على أي فيلم ل Adam Sandler
(4) أفلام الحرب..
فهمتنا أن معظم الحروب سببها أن واحدة ست غسيلها نقط على غسيل جارتها اللي في التالت.
(5) أفلام الكارتون..
فهمتنا أن الأطفال عايشين في نعمة، وأن الدنيا لسة بخير عند عمو ديزني بس.
(6) أفلام الرعب..
فهمتنا أن كل واحد مننا متجوز Vmpire معاة في الشقة.
(7) الأفلام الكلاسيكية..
فهمتنا أن زمان عشان تكون صايع وواد مخلص.. لازم يكون عندك سوالف أطول من مجدي الجلاد.