1 .غيري صورة البروفايل وخليها أنا العروسة وغيري صورة الكَفَر وخليها جاست ماريد 2.حطي بوستات عن الجواز وتربية العيال واعمليله تاج فيها 3.مش محتاجة اقولك إن أي صورة لنفسك هيكون راشق فيها أو ممكن كمان تقصي نفسك وتحطيه هو كفاية 4.اقطعي علاقتك بكل اصحابك هو أهم هو هيطلع بكل الادوار في حياتك 5. ارمي اي ذكري ليكي في الزبالة خلاص بقي اصبح هو الماضي والحاضر والمستقبل 6.لو حد كلمك مترديش لان جوزك مشرف ومنور في البيت 7.لو حد كلمك وهو بره مترديش افرضي اتصل!هتسمحي لموبايلك انه يلاقيه مشغول او ويتنج 8.متنسيش تقطعي علاقتك بكل اصحابك 9.اوعي تخرجي من البيت من غيره انتي مش سنجل انتي في قفا راجل 10.لو حد عنده فرح متعبريهوش ولو حد مات اوعي تسألي فيه انتي خلاص انضميتي لطائفة الحريم 11.متنسيش تعملي الواجب لو حد مات بانك تكلمي واحدة صاحبة بنت الميت وتقنعيها تقف جنبها وتقومي انتي بدور الموسيقي التصويرية 12.اوعي تبصي في وش اصحابك العوانس 13.لو هتموتي وتكلمي حد كلمي واحدة متجوزة دي شبهك شوية يعني مش هتحسدك 14.لو واحدة من صحابك فضلت مصرة تزن وتكلمك رغم انك مش بتردي خليكي ارخم منها وردي واول ماتسمعي صوتها قوليلها انتي مش بتسألي عليا ليه مش واقفة جنبي ليه ...ليه كده ليه كده ليه كده ليه كده 15.لو احتاجتي خدمة من اللي قطعتي علاقتك بيهم عادي يا حبيبتشي اطلبي ولو حد طنش صبي لعناتك عليه لانه يبقي ندل وابن كلب طبعا 16.لو اشتكيتي لواحدة سينجل متنسيش تعيطي في نص الكلام وتقوليلها انتي مش هتحسي بيا انتي مجربتيش الجواااااااااز 17.لو واحدة قالتلك غريبة اني شفت وشك قوليلها انتي فاهمة الجواز غلط "انتوا شفتوا جواز ولا عمركوا تعرفوا جواز " 18.اقنعي كل اللي حواليكي انك عملتي حاجة خارقة للطبيعة مش حاجة عادية اهالينا كلهم عملوها امال خلفونا ازااااي! 19.متنسيش تقطعي علاقتك بكل اصحابك 20.قولي لصاحبتك اللي هتحسدك علي نوبل اللي اخدتيها يقطع الجواز واللي عايزين يتجوزوا . 20.قولي لصاحبتك اللي هتحسدك علي نوبل اللي اخدتيها يقطع الجواز واللي عايزين يتجوزوا