بعد تعرضها لحادث سير.. داليا البحيري: "الحمدلله على كل شيء"

نشرت الفنانة داليا البحيري منشورًا عبر حسابها الرسمي على تطبيق إنستجرام" بعد تعرضها لحادث سير مروع، منذ قليل عند عودتها من الساحل الشمالي.
تفاصيل حادث داليا البحيري
وأعربت الفنانة داليا البحيري عن استياءها من فصل الصيف هذا العام رغم حبها الشديد له قائلة: " الحمد لله علي كل شيء طبعًا، لاننا لازم نحمد ربنا علي كل حاجة وفي كل وقت، اللي يعرفوني كويس يعرفوا أني من محبي شهر الصيف جدا... بحب البحر والشمس والسماء ولمّة العيلة وكل حاجة في الصيف جميلة حتي فاكهته".
وأضافت داليا البحيري: "الحقيقة السنة دي كانت من أسوأ الصيفيات اللي عدت عليا في الساحل، بخلافها لبعض اللمحات الجميلة مع العيلة وبعض الأيام الطيبة، بس للأسف كنت مضغوطة جدا، كنت بعزل من بيت لبيت، ودي كانت حاجة مفاجأة مش مترتب لها عشان كده كنت مشدودة... مناعتي أسابيع عيانة جدا! جالي دور برد أو كورونا او زي ما وقعّت وبقالي تحبوا تسموه".
وتابعت داليا البحيري: "ولما ابتديت اخف شوية حسيت جوزي اتعدي وتعب جدا! أكتر مني بكتير لدرجة أننا اضطرينا نروح مستشفى، وقعدنا ساعات هناك في الديب فريزر! تكييف عالي جدا لدرجة كنا موجوعين من البرد، رجعنا من المستشفى وبعد أقل من ساعة كانت حرارتي طلعت تاني ورقدت من يومها وانا مش بتحسن".
وأكملت: "وبيكمل السيناريو برجوعي سايقة من الساحل وانا تعبانة لأني كان عندي ارتباط مهم في القاهرة والكواتش بتاع عربيتي بيفرغتني ويطلع دخان! أحمد ربنا انه كان عند دخلة البوابات وماكنتش ماشية بسرعة، ده ستر ربنا الجميل".
واختتمت حديثتها قائلة: "باختصار كان صيف مشحون جدا بس برضو حافظت أحب الصيف وأفضله، دعواتكم بقى اخف لأني استويت، ملاحظة انا مش بحب اعمل بوستات زي دي عشان أنا عمري ما كنت بتكلم صعبينات، وكمان كان لازم اشكر رجال المرور اللي كلهم شهامة وساعدوني وركبولي الاستبن".
منشور الفنانة داليا البحيري