عبد الرحيم علي: الشاطر كان مهندس اللقاءات بين الإرهابيين وتركيا

عرض الكاتب الصحفي عبدالرحيم علي، رئيس تحرير "البوابة نيوز"، مكالمة هاتفية بين القيادي الإخواني خيرت الشاطر وأحد شباب الجماعة التابعين له ويدعى "عبدالرحمن".
وأكد "علي" أنه يتضح من المكالمة أن جماعة الإخوان الإرهابية كانت تستغل مدارسها في عقد العديد من الاجتماعات مع شخصيات أجنبية بعيدا عن منازل ومقرات الجماعة.
وكان نص المكالمة كالآتي:
خيرت الشاطر: السلام عليكم
المجهول: وعليكم السلام ورحمة الله.. ازيك يا بشمهندس
الشاطر: إزيك يا عبدالرحمن.. إزيك يا حبيبي الله يكرمك
المجهول: تمام الحمد لله.. اه اه كنت عايز أقول لحضرتك حاجه ضروري
الشاطر: قوول.. اه لا لا أنا أنا خارج القاهرة وهارجع يعني على بليل كده.. إن شاء الله تعالى ممكن الصبح تفوت عليا في المكتب
المجهول: الصبح.. أصل هي حاجه عاجلة.. هل ممكن أقولها في التليفون
الشاطر: لا مافيش حاجة.. كل حاجة ممكن تتقال في التليفون بس لم نيجي عندك أحسن
المجهول: اه ما انا عارف بس أصل هي حاجة عاجلة في بكرة حاجة أنا عايز أقول لحضرتك عليها أنا لسة عارفها من شوية لو هيطلع حد يبقى يحضرها يعني
الشاطر: اه.. حاجه إيه بقى ؟
المجهول: هو بكرة بكرة.. أستاذ مصطفى أوزدان (هو واحد تركي وهو من أقرب الناس للشيخ فتح الله جولان) في تركيا فهو هيكون موجود بكرة هنقابله مع بعض الشباب في مدرسة صلاح الدين في التجمع، فلو مهتم نوصله بيه وبالأستاذ مصطفى وبمجموعة فتح الله جولان والمدارس بتاعته.. أنا كنت هاقترح ده على حضرتك بس هو بقى سبقني وجه
الشاطر: طيب على كل حال انت هتشوفه الصبح وبعدين لما تيجي هو معاده الساعة كام؟
المجهول: هو معاده 6 بالليل
الشاطر: طب خلاص هشوفك الساعة 10 ونص الصبح في المكتب بحيث نتفق هتعمل معاه إيه ولو عايز تحدد معاد مع حد نتفق ونرتبها إن شاء الله
المجهول: طيب خلاص ماشي
الشاطر: ماشي يا حبيبي.. ماشي يا عبدالرحمن