فتاة تروي واقعة تحرش علي يد مسن في اتوبيس عام وتطالب بمحاسبته

روت فتاة تدعي "كنزي وائل"عبر منصة "انستجرام" واقعة تعرضها لتحرش جنسي من قبل مسن داخل أتوبيس نقل عام ، معتبرة أن ما حدث أسوأ موقف تعرضت له في حياتها وشرحت "كنزي" كافة تفاصيل واقعة تعرضها للتحرش علي عبر الفيديوهات القصيرة بصفحة "انتي الاهم" بمنصة انستجرام ، واكدت انها قامت بنحرير محضر له في قسم المعادي .
وقالت كنزي: "كنت راجعة من التمرين وركبت الأتوبيس عشان أروح لقيت واحد قاعد في الكرسي اللي ورايا وعمال يفرك قولت أطلع أقعد قدام لأن خلاص كنت هنزل وكمان حسيت إنه غريب، وفعلا طلعت وقعدت قدام لقيته جاي ورايا وقعد في الكرسي اللي ورايا ".
و اوضحت: "بعد كده راح معدي إيده من جنب الكرسي وراح حاطط إيده على جسمي ولما زعقت له وقلت له حضرتك بتعمل إيه قالي أنا مش بعمل حاجة أنا راجل كبير وراح وحاول يجري بسرعة، راح ولد في الأتوبيس مسكوا قاله أنا معملتش حاجة وبيحاول يهرب راح الولد مسكه جامد وهما الاتنين وقعوا من الأتوبيس ومسكه جامد عشان ميهربش، وفق روايتها".
وتابعت:" الناس اتلموا عليه فيه ناس ربنا بجد يكرمها ماسبهوش ودافعوا عني وفي ناس دافعوا عنه وقالولي حرام تجيبي البوليس ومتظلميهوش دا راجل كبير هيعمل كده ليه طيب معلش".
و واصلت حديثها ، :" لو أنا فعلا ظالمة الراجل جري ليه ووقف كده وأصلا أنا شايفة وحاسة بإيده القذرة دي هظلمه في إيه وخصوصا الأتوبيس معظمه فاضي ومحدش قاعد ورايا غيره والناس اللي بتقول أصل لبسها أصل مش عارف إيه أنا مغطية كل جسمي لابسة جاكت طويل وبنطلون وبرضه دا مش مبرر للتحرش" .
View this post on Instagram
A post shared by Enty El Aham أنتى الأهم (@entyelaham)
و اختتمت حديثها ، "وأنا والله مش هقول غير حسبي الله ونعم الوكيل، الراجل ده لازم يتعاقب ومحدش يسكت عن التحرش لأنه ده من أكتر الحاجات المؤذية نفسيا، أنا مش عايزة غير إن الراجل ده يتحاسب وأنا للأسف مكنتش في وعيي ملحقتش أصور حاجة، أنا صورته بعد ما هو راح القسم ، مؤكدة انها قامت بتحرير محضر له في قسم المعادي يحمل رقم 16696 ".