«مخادماتية للأستاذة» مها أحمد تهاجم «نسل الأغراب» وشقيقة السقا: أبهرتيني بأخلاقك

أثارت الفنانة مها أحمد، حالة من الجدل عبر مواقع التواصل الاجتماعي، بعد نشرها منشورا ذكرت فيه نجمان كبيران وصفتهم بأنهم خذلوها وتسببوا في دخولها في حالة من الاكتئاب، ووصفتهم بأنهم "مخدمتية"، لزوجة مخرج آخر أعمالهم الدرامية، وهو ما دفع شقيقه الفنان أحمد السقا لترد عبر حسابها على موقع التواصل الاجتماعي فيسبوك، وتحل لغز مها أحمد وتكشف أن الفنانين هما شقيقها أحمد السقا والفنان أمير كرارة.
وكتبت مها أحمد قائلة: "عوضي على الله، دي الجملة اللي دايما بقولها لما أتصدم في أشخاص.. الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على..، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا".
وتابعت: "النجم الأولانى بيني وبينه عيش وملح وزمالة، رُشحت فمسلسل بطولته وكان بيقنعني بدور ولما وافقت بعتولي دور تانى معرفوش، دور متعملوش واحدة مبتدئة، المفروض انه عارف قيمتي الفنية، وعارف اني إضافة له، اتهرب مني وموقفش جنبي وباعني، رغم ان الكل عارف اني زي اخته".
وأضافت مها: "أما التاني كان في بداياته يتمنى يسلم عليا ويقولي يا أستاذة، نزلت من نفسي وقلتله مش هنشتغل مع بعض، ما هي الحوجة مرة رد وقالي الدور ينادي صاحبه. طبعا محكلكوش قد ايه ندمت نفسي وعشت أسود أيام حياتي عياط واكتئاب.. وقلت (عوضي عليك يا رب).. تمر الأيام والاتنين يعلو ويتجمعوا مع بعض في مسلسل واحد (على عينهم طبعا)، ويمثلوا وحش قوي تمثيل الكفار، وطلعوا كمان مبيقروش اللى بيمثلوه، ويتحول المسلسل والدعاية الدراما كاملة لصالحها، وهما (مخدماتية للأستاذة)".
واختتمت: "يمهل ولا يهمل ابدأوا من جديد يا أوفر تمثيل، ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح، بلاش تتشطروا على أساتذتكوا. (عوضنا على الله). يا رب متحوجنا لحد حتى ولو كان أقرب الناس لينا".
لترد فاطمة السقا، شقيقة الفنان أحمد السقا، على الفنانة مها أحمد، وكتبت قائلة: "أبهرتيني يا مها بأخلاقك العالية.. وبأنك افتكرتي العيش والملح اللي أكلتيه في البيت بتاع الفنان اللي مش عارفة تقولي اسمه، بس عرفتي تقولى عليه (ندل).. اللي هو أحمد السقا.. بس أنا بقولك قدام الناس.. أي حد يقول عليه كده لأنه رجل كرمك ووقف جنبك إنتي ومجدي بدل المرة ألف، وأمير كرارة بردو رجل جدع ومحترم للي ما يعرفهوش في البوست بتاعك ده.. معرفش إيه الفرص اللي كانت عندك اللي كان يتمنى يشتغل معاكي فيها زمان؟! بس هو أي حد يتمنى يشتغل معاه دلوقتي أكيد.. وكلمة الدور بينادي صاحبه دي بتاعة أفلام.. ما بتتقالش في الحقيقة.. كفاية دراما وتشويه للناس".