السيدة ناهد ل" البوابة نيوز": " معلقة صورة السيسي على التروسيكل"

قالت السيدة ناهد جمال سعيد، سائقة التروسيكل، إن استجابة الرئيس عبد الفتاح السيسي، لحالتها وظروفها الصعبة، رفعت رأسها أمام أسرتها وجميع المصرين، مستطردة:" أنا بحب الريس جدا ومعلقة صورته على التروسيكل من حبي فيه".
وأضافت في تصريحات خاصة ل" البوابة نيوز "، مكنتش متوقعة أبدا ولا حد فريق البرنامج أن الرئيس هيدخل يعمل اتصال معانا، لكن الحمد لله ربنا بيحبني ووقف معايا لحد صوتي وصل لسيادة الريس، متابعة:" شكرا لرئيس الجمهورية الإنسان والد كل المصريين وربنا يخليه يارب".
وكانت ناهد جمال سعيد، سائقة التروسيكل، كشفت في مداخلة هاتفية لبرنامج "من مصر" مع الإعلامية ريهام إبراهيم والإعلامي عمرو خليل، عبر قناة CBC، أنها لجأت إلى العمل على التروسيكل بسبب مشكلات حدثت لزوجها، قائلة: "جوزى في ظروف خارجة عن إرادته وحصلت له مشكلة ومش موجود معانا.. وهو كان شايلنا كلنا وجبت التروسيكل قسط علشان اشتغل عليه".
وتابعت ناهد جمال سعيد، أن لديها 5 بنات، مضيفة: "شقيانة علشان أعلم عيالى.. واللى أنا فيه دلوقتى علشان يعيشوا عيشة مرتاحة ومايبصوش لحد".
وأضافت: "فيه ناس بتضايقني لما بشتغل على التروسيكل ولكن مليش دعوة بيهم علشان أنا بشوف أكل عيشي.. وكل اللى أنا طالباه رخصة كشك علشان تعبت من التروسيكل.. وطالبة ربنا يفك ضيقة جوزى، وأنا تبع مدينة أوسيم".