"حمو أخوك".. والدة "بيكا" ل"هاني شاكر": قلبك طيب وابن حلال

أعربت والدة مطرب المهرجانات الشعبية، حمو بيكا، عن سعادتها بعد قبول نقيب الموسيقيين اعتذار نجلها، والتنازل عن القضايا المرفوعة ضده.
وقالت والدة حمو بيكا، خلال مداخلة هاتفية على شاشة "النهار": "ربنا يبارك فيك يا وش الخير والهنا، ربنا يكرمك.. نفسي أوصل للفنان هاني شاكر. وأقوله: كل سنة وأنت طيب، وربنا يجعلها سنة حلوة عليك.. ومتشكرة وحقك عليَّا وحمو أخوك.. وربنا يجعلها سنة مفترجة علينا وعليك".
وواصلت: "همّ وانزاح.. لو كنت أطول هاني شاكر وأوصله وأشكره، كنت عملت كدا.. الحمدالله.. الفنان هاني شاكر قلبه طيب وابن حلال.. ربنا يبارك في صحته وعافيته.. وإن شاء الله اللى جاي أحلى من اللى راح".