"أمهات مصر" يقترحن أفضل الوجبات للطلاب في المدارس

قالت عبير أحمد مؤسس اتحاد أمهات للنهوض بالتعليم، إنه يجب إعداد وجبات جيدة وصحية للطلاب من قبل الأمهات داخل اللانش بوكس طوال أيام الدراسة بالعام الدراسي الجديد.
وأضافت عبير، في تصريحات صحفية اليوم الأربعاء، أنه يجب تنويع الوجبات للطلاب التي تحتوي على البروتين والكربوهيدرات مثل الفاكهة والبيض والألبان والزبادي والدجاج واللحوم، والخبز والتوست والفينو وكافة أنواع الجبن، وكذلك الفواكه مثل التفاح والموز والبرتقال والخوخ والبرقوق والجوافة، موضحة أنه من الممكن أعداد بعض الحلويات والمخبوزات داخل المنزل ووضعها داخل "اللانش بوكس" الخاص بالطفل والطالب.
وشددت عبير، على ضرورة استخدام كل طالب المستلزمات الخاصة به فقط، خاصة زجاجة المياه، وذلك منعا لانتشار فيروس كورونا والأمراض، مع ضرورة شرب السوائل والمشروبات الدافئة في الصباح قبل الذهاب للمدرسة لتقوية جهاز المناعة، خاصة في فصل الشتاء.
وتفاعل أولياء الأمور على صفحة اتحاد أمهات مصر للنهوض بالتعليم وصفحة ائتلاف أولياء أمور المدارس الخاصة، في فيس بوك، حيث قالت ولي أمر: "بإختصار نرجع للأكل البسيط زي زمان بدون تكلف ومبالغة، يعني ساندوتشات الجبن والبيض والمربي ومعاها الخضروات أو الفاكهة، وطبعا السنة دى ممنوع المصروف والكانتين تماما حتى لو المدارس سمحت بيه، ونشتري الحلويات من قبل بيوم علشان نقدر نعقمها في البيت".
وأضافت ولي أمري: "المكسرات والعسل مهمين كتير والمكسرات كمان غنيه باوميجا 3 ودى بتساعد على تنشيط الذاكره وقدره العقل على التركيز، طبعا الفاكهه أهم حاجة وياريت العصير يكون بيتى وطازة"، وتابعت أخري: "ممكن سندوتشات جبن سواء بيضاء أو رومي أو شيدر أو فلمنك، ومعاها خيار وجزر وساندوتش نوتيلا أو مربي أو حلاوه، لو الطفل مش بيحب الجبن ممكن بطاطس بيوريه أو بوم فري أو برجر بيتي أو كفته أو بانيه مع اني لا أشجع اللحوم في وجبه الفطار لكن بنكون مضطرين بناء على رغبه الأطفال علشان نضمن أنهم هياكلوا، وطبعآ لازم وجود علبه لبن أو زبادي وثمره فاكهه ومفيش مانع من وجود بعض المكسرات زي اللوز أو عين الجمل لو متاحين أو فيشار بدل الشيبسي والحاجات الأخري المضره".
وذكرت ولي أمر: "عايزه اقولكم كمان ياريت نهتم بالاكل اللى أولادنا بيحبوه عشان نضمن إنهم اكلو فعلا، بلاش نعمل اللى على مزاجنا عشان هما في الآخر بياخدو الأكل مننا ويرموا مش بيتاكل ومش بيستفادوا بيه".