انفجار بيروت.. نادين نسيب تقرر الهجرة من لبنان بعد الحادث

قررت الفنانة اللبنانية نادين نسيب نجيم الهجرة من بلدها لبنان بعد إصابتها في حادث انفجار بيروت الذي وقع يوم الثلاثاء الماضي، فأجرت جراحة عاجلة لمدة 6 ساعات، وتحطم منزلها.
وقالت "نادين" عبر حسابها على موقع التغريدات "تويتر":"من هل اللحظة من المشفى اخدت قرار: رح اترك البلد وعيش بأمان ببلد تاني بيحترم شعبه احسن ما ضل ببلد حاكمينه زعران وموت. بس تنقبروا انتوا تحت التراب نحنا منرجع على وطننا غير هيك ما الو لزوم الحكي وشكرًا".
ووصفت نادين نسيب نجيم في وقت سابق الحادث عبر حسابها على موقع التغريدات "تويتر" وقالت:"بشكر ربي أولًا رجع خلقني وأعطاني عمر جديد. الانفجار كان قريب والمنظر مش متل الحكي فعلًا يلي بيفوت عالبيت وبيشوف الدم وين ما كان وكل شي مكسر ما بيقول انه بعدنا عايشين، الحمدالله الف مرة عطاني القوة انزل 22 طابق حافية مغطسة بالدم تأقدر خلص حالي".
وأضافت "الناس كلها مدممة، جرحى، قتلى، سيارات مكسرة، ناس عم تصرخ وتبكي، وقفت سيارة قلتله دخيلك ساعدني، كان ابن حلال وصلني على اول مشفى رفضوا يستقبلوني لأنه كانت مكدسة بالجرحى، رجع اخدني على مشفى المشرق اسعفوني وخضعت لعملية 6 ساعات لأنه نص وجهي وجسمي مدمم".
وأضافت "اللي شفته عالارض صعب كتير ينوصف فعلًا وكأنه قنبلة نووية. شكرًا يا رب انك حميتني، وحمدلله اولادي بخير وسلامة ما كانوا بالبيت. بشكر الله كل لحظة ويا رب ترحم الموتى وتشفي الجرحى".
يشار إلى أن انفجار بيروت الضخم أودى بحياة أكثر من 100 قتيل، و4000 جريح تقريبا، وقال الرئيس اللبناني ميشال عون أنه بسبب 2750 طنا من نترات الأمونيا كانت مخزنة بطريقة غير آمنة في مستودع لنحو ست سنوات.