نشوى مصطفى: زواج أبنائي يمنعني من رؤية الممر

وجهت الفنانة نشوى مصطفى تحية لصناع فيلم الممر ولحراس الوطن جيش مصر خير أجناد الأرض، وأعربت عن أسفها لعدم قدرتها على مشاهدة الفيلم بسبب انشغالها في الاستعداد لزواج ابنها وابنتها.
وقالت مصطفى، عبر صفحتها على موقع التواصل الاجتماعي فيس بوك: للأسف لحد دلوقتى ظروفى ما سمحتش أشوف فيلم الممر؛ لأن عقبال عندكم ابني حيتجوز بعد شوية أيام صغيرين، وبنتى حتتجوز بعد شهرين؛ يعنى خبطتين فى الراس اللي غايظنى بقى أن ابنى وبنتى راحوا شافوا الفيلم مع أصحابهم وأنا قاعدة مع الصنايعية اللي بيشطبوا له شقته وبعد ما بيمشوا الصنايعية بانزل ألف على محلات جهاز العرايس.
سألت ابنى إيه رأيك فى الفيلم قال لى: أنا وأصحابى بعد الفيلم كلنا عايزين نروح سينا نحارب وسألت بنتى قالت لى اشمعنى الرجالة بتروح الجيش والستات لا إحنا مكناش عارفين أن الجيش بيعمل كل ده علشانا، شايفين تأثير الفن الحقيقى، الفن اللي بيبنى ويشكل الوجدان، تحية لصناع الممر جميعًا وألف ألف مليون تحية لحراس الوطن جيش مصر خير أجناد الأرض وتحيا مصر بعشاق ترابها.
يذكر أن فيلم الممر بطولة أحمد عز، وأحمد رزق، وأحمد فلوكس، وأحمد صلاح حسني، وإياد نصار، تأليف وإخراج شريف عرفة.