من ذاكرة ماسبيرو.. نجاح الموجي: "فؤاد المهندس كان بيتخانق مع الفنان اللي بيقول الإفيه غلط"

عشق كل الفنانين الراحل فؤاد المهندس، خاصة أنه كان الوحيد الذى يمد يده لكل موهبة صاعدة، وفى لقاء مذاع سابقًا على التليفزيون المصرى مع الإعلامى مفيد فوزي، قال الفنان الكوميديان نجاح الموجي، إن فؤاد المهندس يشبه لاعب كرة القدم المجرى الشهير ستيفنو، وكان يتميز بالإخلاص والحرفنة فى كورة القدم، ويتوافر ذلك فى «المهندس»، أما بلية المسرح فى مصر فلم يظهر حتى الآن.
وواصل الموجى الحديث: «المهندس» يختلف عن أى فنان كبير إنه بياخد الموهبة ويشيلها على أكتافه فى عز مجده، وبيوصل الجيل اللى بعده ودا اللى عمله مع عادل إمام وسيد زيان وفاروق فلوكس وصلاح السعدني، وتحسه أب وأخ كبير ليهم يفرشلهم الطريق، ويديهم فرصة يقولوا الإفيه، ولو غلطوا فى الإفيه أو مخدش حقه والجمهور مضحكش عليه يزعقلهم ويتخانق معاهم، أما فيه ممثلين آخرين بيقفلوا الطريق على فنانين آخرين بس ما بيقربوش من عادل إمام وسيد زيان، أما المهندس فبيتخانق بعد العرض لو مأدهوش كويس، كأنه قائد فريق فى الملعب، مبيحبش الأنانية، وسبب توقفه فترة عشان مفيش حاجة تناسب تاريخه، والوحيد فى جيله الخط البيانى بتاعه منزلش».
ويكمل حديثه: «فؤاد المهندس أحد الصقور فى تاريخ السينما المصرية».