أهالي محمود حبيش: منازلنا تنهار بسبب الحفر العشوائي

طالب أهالى شارع محمود حبيش، بمنطقة ميت عقبة، المسئولين بالحى بالتوقف عن الحفر فى الشارع بطريقة عشوائية، خاصة أن هناك منازل تتشقق بسبب الحفر المستمر ويعرض المنازل للانهيار.
يقول أبوعمرو: «كل شوية يكسروا فى الشوارع عشان يركبوا أى حاجة، وبعد ما يرصفوا يكسروه تانى، طب ما يخلوه بالمرة، مضيفًا أن عمليات الحفر تؤثر بشدة على البيوت، وبالفعل تضرر منها بيت مكون من 4 أدوار تصدع بدرجة كبيرة بسبب الحفر، والناس حطت أعمدة خشبية وحديدية عشان يسندوا البيت وما يقعش عليهم».
وتابع: «سكان البيت عايشين مرعوبين ففى أى لحظة ممكن يقع وسكانه كلهم غلابة وليس لديهم سكن بديل أو حتى معاهم فلوس يستأجروا شقق يسكنوا فيها».
وأضاف «حسن» أحد سكان الشارع: «البيت عايز صيانة وترميم وفيه شروخ ناتجة عن سببين أولا: بسبب الحفر فى الشارع الملاصق لشارعنا كل فترة، مؤكدًا ممكن يحفروا كل شهر ويمشوا وبعدها يرجعوا يحفروا تانى، ثانيًا: بسبب عدم وجود أى أعمدة أسمنتية فى البيت مما يعرضه للتشققات».
وواصل: «نعيش حياة رعب كل يوم بسبب خوفنا من سقوط المنزل فوق رؤوسنا، ذهبنا للحى أكثر من مرة لكى يجدوا لنا حلا فى هذه المشكلة، لكن لا حياة لمن تنادى، مضيفًا، أن لدينا أسرا وأطفالا نخاف عليهم من التشرد والجوع والفقر، ونطالب المسئولين بسرعة التحرك فى إنهاء هذه المشكلة».