قال الشيخ خالد الجندى، عضو المجلس الأعلى للشئون الإسلامية: إن الحجاب فريضة على كل بنات حواء، لافتا إلى أن هناك موضة جديدة لخلعه "عشان مش طايقين الطرحة.. والناس عاملين معركة كبيرة عشان طرحة". وتابع الجندى، خلال حلقة برنامجه "لعلهم يفقهون"، المذاع على فضائية "DMC"، اليوم الخميس: "قالت لى سيدة إنها لا تطيق الحجاب وعاوزه أخلعه عشان عندى عذر مش بطيق الطرحة، قولت لها إخلعيه، قالت لى أنت اللى بتقولى كده، قولت لها طبعا عندك عذر قولى عليه لربنا.. اللى عنده عذر عشان يرتكب فاحشة أو يزنى أو يسرق يقول عليه لربنا يوم القيامة لو سامحه خلاص.. إحنا ملناس دعوة، إحنا بس بنعرف الناس بأحكام الدين".